ബെംഗളൂരു : നൊന്ത് പ്രസവിച്ചത് 11 മക്കളെയാണ്. എന്നാല് അവസാനകാലത്ത് നോക്കാനാളില്ലെന്ന കാരണത്താല് രാഷ്ട്രപതിയോട് ദയാവധത്തിന് അപേക്ഷ നല്കിത് 75-കാരി. ഹാവേരി ജില്ലയിലെ റാണെബെന്നൂര് നംഗനാഥനഗര് സ്വദേശിനി പുട്ടവ്വ ഹനുമന്തപ്പ കൊട്ടുര ആണ് ജില്ലാഭരണകൂടം മുഖേന രാഷ്ട്രപതിക്ക് അപേക്ഷ നല്കിയത്.
ഏഴ് ആണ് മക്കളും നാല് പെണ് മക്കളുമാണ് പുട്ടവ്വ ഹനുമന്തപ്പയ്ക്ക് ഉള്ളത്. തന്നെ നോക്കാന് ആരുമില്ലെന്നും ശാരീരിക മാനസികപ്രയാസങ്ങള് ഗുരുതരമായതിനാല് ദയാവധം നല്കണമെന്നുമാണ് പുട്ടവ്വ ഹനുമന്തപ്പയുടെ ആവശ്യം. രോഗങ്ങള്മൂലം ജീവിതം ഏറെപ്രയാസകരമാണെന്നും അപേക്ഷയില് പറയുന്നു. എന്നാല് ഇവര്ക്ക് ഏഴ് വീടുകളും ഫ്ളാറ്റുകളും സ്വന്തമായുണ്ട്. ഹവേരി ജില്ലാ കമ്മീഷണര് സഞ്ജയ ഷെട്ടന്നവരയുടെ കൈവശമാണ് അപേക്ഷ നല്കിയത്.
