നവീൻ ബാബുവിനെതിരെ വ്യാജ പരാതി നൽകിയ പ്രശാന്തൻ ടി.വിയ്ക്ക് എതിരെ കേസ് എടുക്കണം ; കണ്ണൂർ ടൗൺ പോലീസിന് പരാതി നൽകി അഭിഭാഷകൻ

പത്തനംതിട്ട :  നവീൻ ബാബുവിനെതിരെ വ്യാജ പരാതി കേസ് എടുക്കണമെന്ന് സർക്കാർ രേഖകളുടെ തെളിവുകളോടെ കണ്ണൂർ ടൗൺ പോലീസിന് പരാതി. എ ഡി എം ആയിരുന്ന നവീൻ ബാബുവിനെതിരെ പരാതികൾ ലഭ്യമായിട്ടില്ലെന്ന് റവന്യൂ സെക്രട്ടറി ഓഫീസും വിജിലൻസ് ഡയറക്ട്രേറ്റും കണ്ണൂർ ജില്ലാ കളക്ട്രേറ്റും വിവരാവകാശ രേഖയിലൂടെ വ്യക്തമാക്കിയ സാഹചര്യത്തിൽ മുഖ്യമന്ത്രിയ്ക്ക് നൽകിയതായി 10/10/ 2024 തീയതി വെച്ചുള്ള പരാതി വ്യാജമായി സൃഷ്ടിച്ച പ്രശാന്തൻ ടി. വി.യ്ക്ക് എതിരെ കേസ് എടുക്കണമെന്ന് ആവിശ്യപ്പെട്ട് കണ്ണൂർ ടൗൺ പോലീസ് സ്റ്റേഷനിൽ പരാതി. ഹൈക്കോടതി അഭിഭാഷകനും പൊതു പ്രവർത്തകനുമായ അഡ്വ. കുളത്തൂർ ജയ്‌സിങ് ആണ് പരാതി നൽകിയത്. ഇദ്ദേഹത്തിന് റവന്യൂ സെക്രട്ടറി ഓഫീസും വിജിലൻസ് ഡയറക്ട്രേറ്റും കണ്ണൂർ ജില്ലാ കളക്ട്രേറ്റും നൽകിയ വിവരാവകാശ മറുപടിയിൽ നവീൻ ബാബുവിനെതിരെ പരാതികൾ ഇല്ലെന്ന് വ്യക്തമാക്കിയിരുന്നു. ഇതിന്റെ അടിസ്ഥാനത്തിൽ പ്രശാന്തന് എതിരെ കേസ് എടുക്കണമെന്നാണ് പരാതിയിലെ ആവിശ്യം. നവീൻ ബാബുവിന്റെ മരണവുമായി ബന്ധപ്പെട്ട കേസിൽ നിലവിൽ ദിവ്യ മാത്രമാണ് പ്രതിസ്ഥാനത്ത് ഉള്ളത്. ഇവിടെ പ്രശാന്തനെ പുതിയ തെളിവുകളുടെ അടിസ്ഥാനത്തിൽ പ്രതി ചേർക്കുകയോ വ്യാജ പരാതിയ്ക്ക് മേൽ പുതിയ കേസ് എടുക്കുകയോ ചെയ്യണമെന്നാണ് ഉയരുന്ന ആവിശ്യം  നവീൻ ബാബുവിന് ക്ലീൻ ചിറ്റ് നൽകുന്ന വിവരാവകാശ രേഖകളും പരാതിക്കൊപ്പം ഹാജരാക്കിയിട്ടുണ്ട്.

സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍  ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച്  പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1