ന്യൂഡല്ഹി: അതിര്ത്തി സംഘര്ഷത്തെ തുടര്ന്ന് പ്രധാനമന്ത്രി നരേന്ദ്രമോദി വിളിച്ച സര്വ്വകക്ഷിയോഗത്തില് സംശയങ്ങളും ചോദ്യങ്ങളും ഉന്നയിക്കുമെന്ന് മുന്പ്രതിരോധമന്ത്രിയും കോണ്ഗ്രസ് നേതാവുമായ എ.കെ ആന്റണി. ഇത്രയും വലിയ സംഘര്ഷം എങ്ങനെയുണ്ടായി. ഇതുവരെ തര്ക്കപ്രദേശമല്ലാതിരുന്ന ഗല്വാനില് എങ്ങനെ ഇങ്ങനെയൊരു ഏറ്റുമുട്ടലുണ്ടായി എന്നീ കാര്യങ്ങളിലെല്ലാം സര്ക്കാരില് നിന്നും വിശദീകരണം തേടുമെന്നും എ.കെ ആന്റണി വ്യക്തമാക്കി.
ചൈനീസ് കടന്നു കയറ്റത്തിന്റെ കൃത്യമായ വിവരങ്ങള് പ്രതിപക്ഷം യോഗത്തില് തേടിയേക്കുമെന്നാണ് വിവരം. സൈനികര് ആയുധമില്ലാതെയാണ് ചൈനീസ് സൈനികരെ നേരിട്ടത് എന്ന ആരോപണത്തിനും പ്രതിപക്ഷ കക്ഷികള് വിശദീകരണം തേടിയേക്കും. ചൈന പിന്മാറിയില്ലെങ്കില് എന്തു വേണം എന്ന കാര്യത്തിലും യോഗത്തില് ചര്ച്ച നടക്കാനാണ് സാദ്ധ്യത. സൈനിക പ്രതിനിധികള് തന്നെ യോഗത്തിനെത്തി സ്ഥിതിഗതികള് വിശദീകരിക്കാനും സാദ്ധ്യതയുണ്ടെന്നാണ് സര്ക്കാര് വൃത്തങ്ങള് നല്കുന്ന സൂചന.
രാജ്യത്തെ പതിനാറ് രാഷ്ട്രീയപാര്ട്ടികളുടെ അദ്ധ്യക്ഷന്മാരെയാണ് ഇന്ന് നടക്കുന്ന സര്വ്വകക്ഷിയോഗത്തിലേക്ക് പ്രധാനമന്ത്രി ക്ഷണിച്ചിരിക്കുന്നത്. പാര്ലമെന്റില് അഞ്ച് എം.പിമാരെങ്കിലുമുള്ള പാര്ട്ടികളേയും ദേശീയപാര്ട്ടി പദവിയുള്ള കക്ഷികളേയുമാണ് യോഗത്തിലേക്ക് വിളിച്ചിരിക്കുന്നത്. അതേസമയം ആം ആദ്മി പാര്ട്ടി, ആര്.ജെ.ഡി എന്നീ പാര്ട്ടികളെ യോഗത്തിലേക്ക് വിളിക്കാതിരുന്നത് പ്രതിഷേധത്തിന് കാരണമായിട്ടുണ്ട്.
