കരുനാഗപ്പള്ളി : വവ്വാക്കാവിന് സമീപം തെരുവ് നായ ആക്രമണത്തില് നിരവധിപേര്ക്ക് പരിക്കേറ്റു. കടിയേറ്റ് സാരമായി പരുക്കേറ്റ 13 പേര് ജില്ലാ ആശുപത്രിയിലും ആലപ്പുഴ മെഡിക്കല് കോളേജിലുമായി ചികിത്സയിലാണ്. ദേശീയപാതയ്ക്ക് പടിഞ്ഞാറു ഭാഗത്തു നിന്നും നിരവധി പേരെ ആക്രമിച്ച ശേഷം കിഴക്ക് കടത്തൂര് ഭാഗത്തും റോഡിലൂടെ ഓടിയെത്തിയ നായ ആക്രമണം നടത്തി.
വഴിയാത്രക്കാരെയും വീട്ടുമുറ്റത്തും കടകളിലും മറ്റും നിന്നവരെയുമെല്ലാം നായ കടിച്ച് പരിക്കേല്പ്പിച്ചു. ഒന്പത് മണിവരെയും നായയുടെ ആക്രമണം തുടര്ന്നു. നായയെ കണ്ട് ഭയന്നോടിയവരെയും ഓടിച്ചിട്ട് കടിക്കുകയായിരുന്നു. മുരളി(40), അനില്കുമാര്(40), ഇബ്രാഹിംകുട്ടി(59), ഇന്ദിര(68), പൊന്നപ്പന്(65), വാസവന്(60), അബ്ദുല്(69), രവീന്ദ്രന്പിള്ള(74), രവീന്ദ്രന്പിള്ള(72), ശിവദാസന്(72), മാധവന്(80), രഞ്ചു (30), മനുരാജ് (38) എന്നിവര്ക്കാണ് കടിയേറ്റത്. ഇവരെയെല്ലാം കരുനാഗപ്പള്ളി താലൂക്ക് ആശുപത്രിയിലും തുടര്ന്ന് 12 പേരെ ജില്ലാ ആശുപത്രിയിലേക്കും ഒരാളെ ആലപ്പുഴ മെഡിക്കല് കോളേജ് ആശുപത്രിയിലേക്കും മാറ്റി.
