കോട്ടയം: മോഷണക്കേസില് ഒളിവില് കഴിഞ്ഞിരുന്നയാള് അറസ്റ്റില്. ആലപ്പുഴ ചെറുതന പാണ്ടിത്തറ പ്രേംദാസി(കണ്ണന് 28)നെയാണ് അറസ്റ്റ് ചെയ്തത്.കോട്ടയം ഈസ്റ്റ് പോലീസ് ആണ് അറസ്റ്റ് ചെയ്തത്. 2020-ല് ആണ് കേസിനാസ്പദമായ സംഭവം.ഇയാളും സുഹൃത്തുക്കളും ചേര്ന്ന് പുതുപ്പള്ളി പഞ്ചായത്ത് ഓഫീസിന് മുന്വശത്തുവെച്ച് ചങ്ങനാശേരി സ്വദേശികളായ കുടുംബം സഞ്ചരിച്ചിരുന്ന കാര് തടഞ്ഞുനിര്ത്തി മുളകുപൊടി സ്പ്രേ അടിച്ചശേഷം ഗൃഹനാഥന്റെ കഴുത്തില് കിടന്നിരുന്ന അഞ്ചു പവന് സ്വര്ണമാല പൊട്ടിച്ചെടുത്തു കടന്നുകളയുകയായിരുന്നു.
ഈ കേസിലെ അഞ്ച് പ്രതികളെ പോലീസ് പിടികൂടിയിരുന്നു. വിവിധ കേസുകളില്പ്പെട്ട് ഒളിവില് കഴിഞ്ഞുവരുന്ന പ്രതികളെ പിടികൂടുന്നതിനുവേണ്ടി ജില്ലാ പോലീസ് ചീഫ് കെ. കാര്ത്തിക് എല്ലാ സ്റ്റേഷനുകള്ക്കും നിര്ദ്ദേശം നല്കിയതിന്റെ അടിസ്ഥാനത്തില് പോലീസ് സംഘം നടത്തിയ തെരച്ചിലിനൊടുവില് ഇയാളെ പിടികൂടുകയായിരുന്നു. പ്രതിയെ കോടതിയില് ഹാജരാക്കി.
