റാന്നി: അളവില് കൂടുതല് മദ്യം അനധികൃതമായി കൈവശം വെച്ചതിന് ഒരാളെ റാന്നി എക്സൈസ് പാര്ട്ടി പിടികൂടി. ഇടമുറി തോമ്പിക്കണ്ടം മോന്സിപ്പടി ലക്ഷം വീട് കോളനിയില് വാലുമണ്ണില് കുഞ്ഞൂട്ടിയുടെ മകന് ശശി(60) ആണ് പിടിയിലായത്.ഇന്നലെ ഉച്ചയ്ക്ക് മദ്യവുമായി വരവെ ചേത്തയ്ക്കല് കൂത്താട്ടുകുളം റോഡില് വെച്ചാണ് ഇയാള് പിടിയിലായത്.പിടിയിലാവുമ്പോള് 12 കുപ്പികളിലായി മദ്യവും മദ്യം വിറ്റു കിട്ടിയ 550 രൂപയും ഉണ്ടായിരുന്നു.
ബിവറേജ്സ് കോര്പ്പറേഷനില് നിന്നും വിലകുറഞ്ഞ മദ്യം വാങ്ങി ചില്ലറ വിലയ്ക്ക് ഇയാള് അനധികൃതമായി വില്പ്പന നടത്തുന്നതായുള്ള പരാതിയുടെ ഭാഗമായിട്ട് എക്സൈസ് ഷാഡോ വിഭാഗം നടത്തിയ അന്വേഷണത്തിലാണ് പ്രതി പിടിയിലായത്. കോടതിയില് ഹാജരാക്കി റിമാന്ഡ് ചെയ്യുമെന്ന് എക്സൈസ് ഇന്സ്പെക്ടര് അറിയിച്ചു.ഇന്സ്പെക്ടര് ജെ റെജി,പ്രവന്റീവ് ഓഫീസര് സുദര്ശനന് പിള്ള,സുരേഷ് ഡേവിഡ്,ജിതിന്,പ്രകാശ്,പ്രമോദ് ജോണ്,പ്രദീപ് കുമാര് എന്നിവരടങ്ങിയ സംഘമാണ് ഇയാളെ പിടികൂടിയത്.മദ്യം,മയക്കു മരുന്ന. എന്നീ സംഭവങ്ങളുമായി ബന്ധപ്പെട്ട വിവരങ്ങള് 9400069478 നമ്പരില് അറിയിക്കണം.
