കൊല്ലം : ലോക്ക്ഡൗണ്‍ സമയത്ത് പെട്രോള്‍ പമ്പില്‍ നേരം വെെകി ജോലിക്കെത്തിയ ജീവനക്കാരിയെ പിരിച്ചുവിട്ടു. പ്രതിഷേധവുമായി പമ്പിനു മുന്നില്‍ ജീവനക്കാരിയുടെ സമരം. കുണ്ടറയിലെ ഇന്ത്യന്‍ ഓയില്‍ പമ്പിലാണ് സംഭവം. കുണ്ടറ കുമ്പളം ആനി നിവാസില്‍ പ്രസന്നയാണ് സമരവുമായി പമ്പിലെത്തിയത്. അഞ്ച് വര്‍ഷമായി ഈ പമ്പിലെ ജീവനക്കാരിയാണ് പ്രസന്ന. ഇടയ്ക്ക് വിദേശത്ത് പോയെങ്കിലും പമ്പ് ഉടമയുടെ ആവശ്യപ്രകാരം തിരികെ എത്തി ജോലിയില്‍ പ്രവേശിച്ചതാണ്. മാസം 9000 രൂപ ശമ്പളത്തിലാണ് പമ്പില്‍ ജോലി ചെയ്തുവരുന്നത്. ലോക്ക്ഡൗണ്‍ സമയത്ത് ബന്ധുവിന്റെ ബൈക്കിലാണ് പമ്പില്‍ വന്നിരുന്നത്. ഒരു ദിവസം വരാന്‍ താമസിച്ചതോടെ ഇനി വരണ്ടായെന്ന് മാനേജ്മെന്റ് പറഞ്ഞു. തൊഴില്‍ നഷ്ടപ്പെട്ടതോടെയാണ് പ്രതിഷേധവുമായി പ്രസന്നയെത്തിയത്. രണ്ട് മാസത്തെ ശമ്പളവും കിട്ടാനുണ്ടെന്ന് പ്രസന്ന പറഞ്ഞു. ലേബര്‍ ഓഫീസറടക്കം സ്ഥലത്ത് എത്തി.
