ദില്ലി : എളുപ്പം നിര്മിക്കാവുന്നതും സൂക്ഷിച്ചു വെയ്ക്കാന് ശീതീകരണ സംവിധാനം ആവശ്യമില്ലാത്തതുമായ പുതിയ പ്രോട്ടീന് അധിഷ്ഠിത കോവിഡ് വാക്സീന് ശാസ്ത്രജ്ഞര് കണ്ടെത്തി. നിലവില് ലഭ്യമായ പല വാക്സീനുകളും അത്യാധുനിക നിര്മാണ ശേഷി ആവശ്യമുള്ളതും സംഭരണത്തിന് വിലയേറിയ ശീതീകരണ സംവിധാനം വേണ്ടതുമാണ്.
ഇത് അവയുടെ നിര്മാണവും വിതരണവും പ്രയാസമേറിയതാക്കും. അവികസിത, വികസ്വര രാജ്യങ്ങളില് കോവിഡ് വാക്സീന് വിതരണത്തിന്റെ ഗതിവേഗം കുറയ്ക്കുന്നതിനും ഇത് കാരണമാകുന്നുണ്ട്. ഇത്തരം തടസ്സങ്ങള് നീക്കി സാര്വത്രിക കോവിഡ് വാക്സീന് വിതരണത്തിന് വഴിയൊരുക്കുന്നതാണ് അമേരിക്കയിലെ ബോസ്റ്റണ് ചില്ഡ്രന്സ് ഹോസ്പിറ്റലിലെ ഗവേഷകര് നടത്തിയ കണ്ടെത്തല്.
