പത്തനംതിട്ട : പന്തളം തെക്കേക്കര ഗ്രാമപഞ്ചായത്ത് വാര്ഷികപദ്ധതിയില് ഉള്പ്പെടുത്തി ക്ഷീരകര്ഷകര്ക്ക് പാലിനും കാലിത്തീറ്റക്കും സബ്സിഡി നല്കുന്ന പദ്ധതിയുടെ ഉദ്ഘാടനം ഗ്രാമപഞ്ചായത്തു ഹാളില് പ്രസിഡന്റ് എസ് രാജേന്ദ്ര പ്രസാദ് നിര്വഹിച്ചു. പഞ്ചായത്തിലെ 303 ക്ഷീരകര്ഷകര്ക്ക് ക്ഷീര സഹകരണ സംഘങ്ങളില് നല്കുന്ന ഒരു ലിറ്റര് പാലിന് മൂന്നു രൂപ വീതം സബ്സിഡി നല്കുകയും പകുതി വിലക്ക് കാലിത്തീറ്റയും നല്കുന്നതാണ് പദ്ധതി. പഞ്ചായത്ത് 29 ലക്ഷം രൂപ ചെലവഴിച്ചാണ് പദ്ധതി നടപ്പാക്കുന്നത്. കാലിത്തീറ്റ വില വര്ധനവ് മൂലം കഷ്ടപ്പാട് അനുഭവിക്കുന്ന ക്ഷീരകര്ഷകര്ക്ക് ആശ്വാസം നല്കുന്ന പദ്ധതിയാണ് പഞ്ചായത്ത് നടപ്പാക്കുന്നതെന്ന് പ്രസിഡന്റ് പറഞ്ഞു. വൈസ് പ്രസിഡന്റ് റാഹേല് അധ്യക്ഷത വഹിച്ച ചടങ്ങില് സ്റ്റാന്ഡിങ് കമ്മറ്റി ചെയര്മാന്മാരായ വി പി വിദ്യാധരപ്പണിക്കര്, എന് കെ ശ്രീകുമാര്, അംഗങ്ങളായ ശ്രീവിദ്യ, പൊന്നമ്മ വര്ഗ്ഗീസ്, ക്ഷീരസംഘം പ്രസിഡന്റുമാരായ വിജയന്പിള്ള, പ്രശോഭ, ഡെയറി ഇന്സ്ട്രക്ടര് ചന്ദ്ര ലേഖ, കര്ഷകര് എന്നിവര് പങ്കെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
