തിരുവനന്തപുരം : തലസ്ഥാനത്ത് തെരുവുനായ ആക്രമണം. വീട്ടിനുള്ളിൽ വെച്ച് 65കാരിക്കാണ് തെരുവുനായയുടെ കടിയേറ്റത്. തിരുവനന്തപുരം കല്ലമ്പലത്താണ് സംഭവം. പനി പിടിച്ച് വീടിനുള്ളില് കഴിഞ്ഞ ഗിരിജ എന്ന വയോധികയ്ക്ക് നേരെയാണ് തെരുവുനായയുടെ ആക്രമണമുണ്ടായത്. വീടിനുള്ളിൽ കയറിയാണ് തെരുവുനായ വയോധികയെ കടിച്ചത്. തുറന്നു കിടന്ന വാതിലിലൂടെ വീടിനുള്ളിൽ എത്തിയ നായയെ ഓടിക്കാൻ ശ്രമിക്കുന്നതിനിടെയാണ് നായ വയോധികയെ ആക്രമിച്ചത്. ഗിരിജയുടെ കൈക്കാണ് നായയുടെ കടിയേറ്റത്. പരിക്കേറ്റ ഗിരിജയെ തിരുനന്തപുരം മെഡിക്കല് കോളേജ് ആശുപത്രിയില് എത്തിച്ചു. അതേസമയം കല്ലമ്പലം കരവാരത്ത് നാല് പേർക്ക് നേരെയും തെരുവുനായയുടെ അക്രമണമുണ്ടായിട്ടുണ്ട്. പ്രദേശത്തെ വളര്ത്ത് മൃഗങ്ങളെയും നായ ആക്രമിച്ചു. മാത്രമല്ല ഈ നായയുടെ കൂടെ ഉണ്ടായിരുന്ന മറ്റൊരു നായയെ ചത്ത നിലയിൽ കണ്ടെത്തുകയും ചെയ്തു. ഇതോടെ നായയ്ക്ക് പേവിഷബാധയുണ്ടോ എന്ന ആശങ്കയിലാണ് നാട്ടുകാർ . മേഖലയിൽ തെരുവുനായ ശല്യം രൂക്ഷമാണെന്നാണ് വാർഡ് മെമ്പറും നാട്ടുകാരും പറയുന്നത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
