കല്ലറ : രണ്ടുവയസ്സുള്ള മകളെ ഉപേക്ഷിച്ച് കാമുകനോടൊപ്പം പോയ യുവതിയെ റിമാന്ഡ് ചെയ്തു. ഭരതന്നൂര് സേമ്യാക്കട അനീഷ് ഭവനില് സോണിയ (21) യെയാണ് നെടുമങ്ങാട് കോടതി റിമാന്ഡു ചെയ്തത്. ജനുവരി 13-നാണ് യുവതിയെ കാണാനില്ലെന്ന് ബന്ധുക്കള് പാങ്ങോട് പോലീസില് പരാതി നല്കിയത്. അന്വേഷണത്തില് യുവതി മറ്റൊരു യുവാവിനോടൊപ്പം ഒളിച്ചോടിയതാണെന്ന് മനസ്സിലായി.
അമ്മയുടെ സംരക്ഷണം അത്യന്താപേക്ഷിതമായ സമയത്ത് കുഞ്ഞിനെ ഉപേക്ഷിച്ചുപോയതിന് പാങ്ങോട് പോലീസ് ബാലസംരക്ഷണ നിയമപ്രകാരം യുവതിയെ അറസ്റ്റു ചെയ്ത് കോടതിയില് ഹാജരാക്കുകയായിരുന്നു. കുഞ്ഞിനെ ഉപേക്ഷിച്ച സംഭവത്തില് പ്രേരണാക്കുറ്റം ചുമത്തി കാമുകനെതിരേയും പോലീസ് കേസെടുത്തു. പാങ്ങോട് സി.ഐ. എന്.സുനീഷ്, എസ്.ഐ. ജെ.അജയന്, എ.എസ്.ഐ. സക്കീര് ഹുസൈന്, സി.പി.ഒ.മാരായ അരുണ്, ഗീത എന്നിവര് അറസ്റ്റിനു നേതൃത്വം നല്കി
