അടിമാലി: അടിമാലി താലൂക്കാശുപത്രിയില് വെച്ച് കോറോണ ബാധിച്ച് ചികിത്സയിലായിരുന്ന യുവാവ് മരിച്ചു. രാജാക്കാട് പഴയ വിടുതി കളത്തില്കരോട്ട് കെ.എ ജെയ്മോന് (39) ആണ് മരിച്ചത്.
ഡ്രൈവറായ ഇദ്ദേഹം പ്രമേഹത്തിന് ചികിത്സയിലായിരുന്നു. കാലില് മുറിവുണ്ടായത് ഉണങ്ങാതെ വന്നതിനെ തുടര്ന്ന് അടിമാലി താലൂക്ക് ആശുപത്രിയില് പ്രവേശിപ്പിച്ചു. ഇരുപത് ദിവസത്തോളം അവിടെ ചികിത്സയിലായിരുന്നു. അതേ വാര്ഡിലെ ഒരു രോഗിക്ക് കൊറോണ സ്ഥിരീകരിച്ചതിനെ തുടര്ന്ന് ഇദ്ദേഹത്തെയും പരിശോധനയ്ക്ക് വിധേയനാക്കിയപ്പോള് പോസിറ്റീവ് ആണെന്ന് കണ്ടു.
തുടര്ന്ന് വിദഗ്ധ ചികിത്സയ്ക്കായി തൊടുപുഴയിലെ കൊറോണ സെന്ററിലേയ്ക്ക് മാറ്റി. ബുധനാഴ്ച്ച രാവിലെ ഹൃദയ സ്തംഭനം സംഭവിക്കുകയും മരണമടയുകയുമായിരുന്നു. സംസ്കാരം പ്രൊട്ടോകോള് പ്രകാരം പഴയവിടുതിയിലെ ശ്മശാനത്തില് നടത്തി. ഭാര്യ സിജി. മക്കള് അലിന്, അലിന്ഡ, അലന് (പഴയവിടുതി ഗവ. യു. പി സ്കൂള് വിദ്യാര്ത്ഥികള്).
