പന്തളം : കുരമ്പാല മാവിരപ്പാറയില് കുളിക്കാന് ഇറങ്ങിയ യുവാവിനെ കാണാതായി. ഉച്ചയ്ക്ക് രണ്ടരയോടെയാണ് സംഭവം. കടയ്ക്കാട് സ്വദേശി മൃദുല് കൃഷ്ണ(22)നെ യാണ് കാണാതായത്. സുഹൃത്തുക്കളായ കൃഷ്ണനുണ്ണി, യദു കൃഷ്ണ എന്നിവരോടൊപ്പമാണ് മൃദുല് കൃഷ്ണ മാവിരപ്പാറ പാറക്കുളത്തില് കുളിക്കാന് ഇറങ്ങിയത്. വെള്ളത്തില് ഇറങ്ങിയ ശേഷം യുവാവിനെ കാണാതാവുകയായിരുന്നു. സ്ഥലത്ത് അഗ്നിരക്ഷാ സേന തിരച്ചില് ശക്തമാക്കിയിട്ടുണ്ട്. പന്തളം പോലീസ് നടപടി സ്വീകരിച്ചു. മാവിരപ്പാറയില് പതിവായി സന്ദര്ശകര് എത്തുന്നുണ്ടെങ്കിലും യാതൊരു സുരക്ഷാ സംവിധാനവും അധികാരികള് സ്വീകരിച്ചിട്ടില്ല. അപകടകരമായ പാറപ്പുറത്ത് കയറി ചിത്രങ്ങള് എടുക്കാനും ഇവിടെയെത്തുന്നവര് ശ്രമിക്കുന്നത് അപകട ഭീഷണിയുയര്ത്തുന്നുണ്ട്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
