തിരുവനന്തപുരം : വൈദ്യുതി കണക്ഷന് ആധാര് നമ്പര്കൂടി അടിസ്ഥാനമാക്കാനുള്ള നിര്ദേശം കെ.എസ്.ഇ.ബി.യുടെ പരിഗണനയില്.
നിലവില് കണക്ഷന് എടുത്തിട്ടുള്ളവരുടെയും ആധാര് ബന്ധിപ്പിക്കാനാണ് ആലോചന. ഇതിനായി യുണീക് ഐഡന്റിഫിക്കേഷന് അതോറിറ്റി ഓഫ് ഇന്ത്യയുടെ അനുവാദത്തിന് കെ.എസ്.ഇ.ബി കത്തെഴുതി. നടപടിക്രമങ്ങള് ലഘൂകരിച്ചതോടെ രണ്ട് തിരിച്ചറിയല് രേഖകള് മാത്രം നല്കിയാല് ഇപ്പോള് കണക്ഷന് കിട്ടും.
എന്നാല് പല സ്ഥാപനങ്ങളും കണക്ഷനെടുത്തശേഷം പൂട്ടിപ്പോകാറുണ്ട്. ഇവരെ കണ്ടുപിടിച്ച് കുടിശ്ശികയീടാക്കാന് കഴിയാത്ത സ്ഥിതിയുണ്ട്. ഇത് ഒഴിവാക്കാനാണ് ആധാര് നമ്പര്കൂടി പരിഗണിക്കുന്നത്. കള്ളവോട്ടുകള് നിയന്ത്രണത്തിനായി തിരിച്ചറിയല് കാര്ഡ് ആധാറുമായി ബന്ധപ്പെടുത്തുന്നതിനുള്ള നിര്ദ്ദേശം തെരഞ്ഞെടുപ്പു കമ്മീഷന് പുറപ്പെടുവിച്ചിരുന്നു. അതിന് തൊട്ടു പിന്നാലെയാണ് കേരളത്തില് കെഎസ്ഇബിയും പുതിയ നിര്ദ്ദേശം മുന്നോട്ടു വെച്ചിരിക്കുന്നത്.