ഇടുക്കി : മൂന്നാര് ചോക്കനാട് എസ്റ്റേറ്റില് നിര്ത്തിയിട്ടിരുന്ന കാര് കാട്ടാന തകര്ത്തു. രാവിലെ മൂന്ന് മണിയോടെയാണ് സംഭവം. എസ്റ്റേറ്റില് പുലര്ച്ചെ മൂന്ന് മണിയോടെ എത്തിയ ഒറ്റയാനയാണ് സതീഷ് കുമാറിന്റെ നിര്ത്തിയിട്ടിരുന്ന വാഹനത്തിന് കേടുപാടുകള് വരുത്തിയത്. ഒറ്റയാന് എത്തിയ ശബ്ദം കേട്ട് തൊഴിലാളികള് പുറത്തിറങ്ങിയെങ്കിലും ഒന്നും ചെയ്യാന് കഴിഞ്ഞില്ല.
കഴിഞ്ഞ കുറച്ച് ദിവസങ്ങളായി സമീപത്തെ കാടുകളില് നിലയുറപ്പിച്ചിരുന്ന ഒറ്റയാന് ദിനവും ടൗണിലും എസ്റ്റേറ്റ് മേഖലകളിലും എത്തി കടയും കൃഷിയും നശിപ്പിക്കുന്നത് തുടരുകയാണ്. തൊഴിലാളികളുടെ ഉറക്കംകെടുത്തി കാട്ടാന ശല്യം മൂന്നാര് ടൗണിലും തോട്ടം മേഖലയിലും രുക്ഷമായിട്ടും വനം വകുപ്പ് നടപടി സ്വീകരിക്കാത്തതില് തൊഴിലാളികള്ക്കിടയില് പ്രതിഷേധം ശക്തമാണ്.