നെടുമങ്ങാട് : തിരുവനന്തപുരം ആനാട് വില്ലേജ് ഓഫിസില് നിന്ന് ഓഫിസ് സീല് മോഷണം പോയി. കഴിഞ്ഞ ദിവസം വൈകീട്ടാണ് സീല് കാണാതായതെന്ന് പറയുന്നു. ഇതോടെ വില്ലേജ് ഓഫിസര് നെടുമങ്ങാട് പോലീസില് പരാതി നല്കി. സീല് കാണാതായതോടെ രണ്ട് ദിവസമായി ജാതി, വരുമാന, മറ്റ് വിവിധ സര്ട്ടിഫിക്കറ്റുകള്ക്കുമായി എത്തുന്നവര്ക്ക് സീല് വെച്ച രേഖകള് നല്കാന് സാധിക്കാത്ത അവസ്ഥയാണ്.
10 ദിവസം മുമ്പ് ഇവിടെ ജീവനക്കാര് ഓഫിസ് അടക്കാതെ പോയ സംഭവവും നടന്നിരുന്നു. ആനാട് വില്ലേജ് ഓഫിസില് നിന്ന് സീലുകള് കാണാതായതിനെക്കുറിച്ചും ഓഫിസ് അടക്കാതെ ജീവനക്കാര് സ്ഥലം വിട്ടതിനെക്കുറിച്ചും സമഗ്രമായ അന്വേഷണം വേണമെന്നും ഇത്തരത്തിലുള്ള ഉദ്യോഗസ്ഥര്ക്കെതിരെ നടപടി സ്വീകരിക്കണമെന്ന് കോണ്ഗ്രസ് മൂഴി, ആനാട് മണ്ഡലം പ്രസിഡന്റുമാരായ വേട്ടംപള്ളി സനലും പുത്തന്പാലം ഷഹീദും ആവശ്യപ്പെട്ടു.
