പത്തനംതിട്ട : ഫോർവേഡ് ബ്ലോക്ക് സംസ്ഥാന സെക്രട്ടറിയേറ്റ് മെമ്പർ സി.എൻ.കൃഷ്ണപിള്ളയുടെയും സംസ്ഥാന കമ്മറ്റി അംഗം മുരളി ഓമല്ലൂരിന്റെയും നേതൃത്വത്തിൽ 50 ഓളം ഫോർവേഡ് ബ്ലോക്ക് പ്രവർത്തകർ രാജിവെച്ച് നാഷണൽ ജനതാദളിൽ ചേർന്നു. ലയന സമ്മേളനം സംസ്ഥാന കമ്മറ്റി അംഗം കെ.കെ.വിശ്വംബരൻ ഉദ്ഘാടനം ചെയ്തു. ജില്ലാ പ്രസിഡന്റ് മധുചെമ്പുകുഴി അദ്ധ്യക്ഷത വഹിച്ചു.
ലയന സമ്മേളനത്തെ അഭിവാദ്യം ചെയ്തുകൊണ്ട് ശാന്തിജൻ ചൂരക്കുന്ന്, ഷാജി മാമ്മൂട്ടിൽ, കോന്നിയൂർ ആനന്ദൻ എന്നിവർ പ്രസംഗിച്ചു. ഡൽഹിയിൽ ഇടതുപക്ഷവും കേരളത്തിൽ യു.ഡി.എഫ്. ഉം എന്നുമുള്ള വ്യക്തതയില്ലാത്ത ജി.ദേവരാജന്റെ നടപടിയിൽ പ്രതിഷേധിച്ചുകൊണ്ട് കൃഷ്ണപിള്ളയുടെ നേതൃത്വത്തിലുള്ള വിഭാഗം നാഷണൽ ജനതാദളിൽ ചേർന്നത്.
