പത്തനംതിട്ട : കേരള സ്വതന്ത്ര തയ്യൽ തൊഴിലാളി യൂണിയൻ പത്തനംതിട്ട ജില്ലാ സമ്മേളനം ഫാത്തിമ ഓഡിറ്റോറിയത്തിൽനടന്നു. ജില്ലാ പ്രസിഡണ്ട് മുരളീധരൻ ഓമല്ലൂരിൻറെ അധ്യക്ഷതയിൽ കൂടിയ സമ്മേളനം യൂണിയൻ സംസ്ഥാന പ്രസിഡണ്ട് ദേവദാസ് കുട്ടമ്പൂര് ഉദ്ഘാടനം ചെയ്തു. തയ്യൽ തൊഴിലാളി പെൻഷൻ 5000 രൂപയായി വർധിപ്പിക്കുക, വിവാഹ ധനസഹായം പ്രസവ ആനുകൂല്യവും 25000 രൂപ വർദ്ധിപ്പിക്കുക, ഇ എസ് ഐ അനുവദിക്കുക എന്നീ പ്രമേയങ്ങൾ യോഗത്തിൽ അവതരിപ്പിച്ചു. കെ പി പത്മ സ്വാഗതവും മധു ചെമ്പുകുഴി, സി എൻ കൃഷ്ണപിള്ള, കെ ആർ വിശ്വംഭരൻ എന്നിവർ ആശംസ പ്രസംഗവും നടത്തി.
പുതിയ ഭാരവാഹികൾ : മുരളീധരൻ ഓമല്ലൂർ പ്രസിഡൻറ്, ശ്യാമള കുമാരി , ജയ കെ വൈസ് പ്രസിഡണ്ടുമാർ, രാധാമണി വി ജി ജനറൽസെക്രട്ടറി, തങ്കമണി ട്രഷറർ, ശോശാമ്മ ടിവി, പത്മ കെ എന്നിവർ എക്സിക്യൂട്ടീവ് അംഗങ്ങളായും 21 അംഗ ജില്ലാ കമ്മിറ്റിയെ സമ്മേളനം തിരഞ്ഞെടുത്തു.
