തിരുവല്ല : പ്രേമം നടിച്ച്‌ പെണ്‍കുട്ടിയെ പീഡിപ്പിച്ച കേസില്‍ മുന്‍ പോക്സോ കേസ് പ്രതിയും സ്ഥിരം കുറ്റവാളിയുമായ യുവാവിനെ തിരുവല്ല പോലീസ് അറസ്റ്റ് ചെയ്തു. തിരുവല്ല കുറ്റപ്പുഴ മുളയന്നൂര്‍ പന്തിരുകാലായില്‍ സജിത്ത് ചന്ദ്രനാണ് (കണ്ണന്‍ -23) അറസ്റ്റിലായത്.
പോക്സോ കേസില്‍ ഇയാള്‍ക്കെതിരെ നിലവില്‍ പെരുമ്പെട്ടി പോലീസ് സ്റ്റേഷനില്‍ കേസുണ്ട്. കഞ്ചാവ് കടത്ത്, കൊലപാതകശ്രമം ഉള്‍പ്പെടെ പത്തോളം കേസുകളില്‍ പ്രതിയാണെന്ന് പോലീസ് പറഞ്ഞു. ഡിവൈ.എസ്.പി സുനീഷ് ബാബുവിന്റെ നേതൃത്വത്തില്‍ സി.ഐ ഹരിലാല്‍, എസ്.ഐമാരായ രതീഷ്, പ്രശാന്ത്, ബിപിന്‍ പ്രകാശ്, എ.എസ്.ഐ അനില്‍, സി.പി.ഒ വിഷ്ണുദേവ് എന്നിവരടങ്ങുന്ന സംഘമാണ് പ്രതിയെ പിടികൂടിയത്.
