സലാല: കണ്ണൂര് സ്വദേശി ഒമാനില് വാഹനാപകടത്തില് മരിച്ചു. കണ്ണൂര് അഴീക്കോട് കപ്പക്കടവ് സ്വദേശി കാക്കടവന് വീട്ടില് മുഹമ്മദ് ഷാനിഫ് (28) ആണ് മരിച്ചത്. സലാലക്കടുത്ത് മിര്ബാത്തില് വെച്ച് ചൊവ്വാഴ്ച പുലര്ച്ചെയാണ് അപകടം ഉണ്ടായത്.
മുഹമ്മദ് ഷാനിഫിനൊപ്പം ഒരു ബംഗ്ലാദേശ് സ്വദേശിയും മരിച്ചിട്ടുണ്ട്. ഇവര് സഞ്ചരിച്ചിരുന്ന സ്കൂട്ടറില് സ്വദേശി പൗരന് ഓടിച്ചിരുന്ന വാഹനമിടിച്ചാണ് അപകടം നടന്നത്. കഴിഞ്ഞ നാല് വര്ഷമായി സലാലയിലുള്ള മുഹമ്മദ് ഷാനിഫ് മിര്ബാത്തില് ഫുഡ്സ്റ്റഫ് ഷോപ്പ് നടത്തി വരികയായിരുന്നു.
ഭാര്യ ഷറഫുന്നിസ. സുല്ത്താന് ഖാബൂസ് ആശുപത്രിയില് സൂക്ഷിച്ചിരിക്കുന്ന മ്യതദേഹം നാട്ടില് കൊണ്ട് പോകുന്നതിനുള്ള നടപടികള് ഐസിഎഫ് സാന്ത്വനം ടീമിന്റെ നേതൃത്വത്തില് നടന്നു വരുന്നു.
