കോന്നി: പുനലൂര് – മൂവാറ്റുപുഴ സംസ്ഥാന പാതയില് കൂടലില് ബൈക്കും ഓംനി വാനും കൂട്ടിയിടിച്ച് യുവാവിന് ഗുരുതര പരിക്ക്. മുറിഞ്ഞകല് സ്വദേശി മുഹമ്മദി(18)നാണ് പരിക്കേറ്റത്. രാവിലെ ഒന്പത് മണിയോടെ കൂടല് ജംഗ്ഷനില് ചന്തയുടെ ഭാഗത്താണ് അപകടം നടന്നത്. ചന്ത ഭാഗത്തേക്ക് പോയ വാന് തിരിക്കുന്നതിനിടെ ബൈക്കുമായി കൂട്ടിയിടിക്കുകയായിരുന്നു. അപകടത്തില് മുഹമ്മദിന്റെ മുഖത്തും ശരീരം മുഴുവനും ഗുരുതരമായി പരിക്കേറ്റിട്ടുണ്ട്. യുവാവിന്റെ തല കാറിന്റെ ഡോറില് ശക്തമായി ഇടിച്ചതായും സംഭവ സ്ഥലത്ത് ഉണ്ടായിരുന്നവര് പറയുന്നു. അപകടം നടന്നയുടന് തന്നെ യുവാവിനെ നാട്ടുകാര് ചേര്ന്ന് കോന്നി താലൂക്ക് ആശുപത്രിയില് എത്തിച്ചിരുന്നു. എന്നാല് പരിക്ക് ഗുരുതരമായതിനാല് തിരുവനന്തപുരം മെഡിക്കല് കോളേജിലേക്ക് മാറ്റി. കൂടല് പോലീസ് സ്ഥലത്തെത്തി നടപടികള് സ്വീകരിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
