മലപ്പുറം : മലപ്പുറം കുറ്റിപ്പുറം മഞ്ചാടിയില് കാര് ബൈക്കില് ഇടിച്ച് ഒരാള് മരിച്ചു. അമിത വേഗത്തില് എത്തിയ കാര് ബൈക്കിനെ ഇടിച്ചു തെറിപ്പിക്കുകയായിരുന്നു. ബൈക്ക് ഓടിച്ച പുത്തനത്താണി സ്വദേശി അബ്ദുല് ഖാദര് തല്ക്ഷണം മരിച്ചു. ഇദ്ദേഹത്തിന്റെ ഭാര്യ സ്വകാര്യ ആശുപത്രിയില് ചികിത്സയിലാണ്. തിരൂര് റോഡിലെ മഞ്ചാടിയില് ശനിയാഴ്ച വൈകുന്നേരം 4.30-നായിരുന്നു അപകടം. പുത്തനത്താണി കരിങ്കപ്പാറ കുന്നത്തോടത്ത് അബ്ദുള്ഖാദര് (48) ആണ് മരിച്ചത്. ഭാര്യ റുഖിയയെ (40) കോട്ടയ്ക്കലിലെ സ്വകാര്യ ആശുപത്രിയില് പ്രവേശിപ്പിച്ചു.
കുറ്റിപ്പുറത്തുള്ള ബന്ധുവിന്റെ വിവാഹത്തില് പങ്കെടുത്തശേഷം വീട്ടിലേക്ക് മടങ്ങുന്നതിനിടെയാണ് അപകടം. എതിരെവന്ന ഇന്നോവ കാര് മറ്റൊരു വാഹനത്തെ മറികടക്കാന് ശ്രമിക്കുന്നതിനിടെയാണ് സ്കൂട്ടറില് ഇടിക്കുന്നത്. സ്കൂട്ടര് റോഡരികിലെ മതിലില് ഇടിച്ചുതകര്ന്നു. മതിലില്നിന്ന് തകര്ന്നുവീണ ചെങ്കല്ലുകള്ക്കിടയില്നിന്ന് അബ്ദുള് ഖാദറിനെ നാട്ടുകാര് പുറത്തെടുത്തപ്പോഴേക്കും മരിച്ചിരുന്നു. അപകടമുണ്ടാക്കിയ കാര് സ്കൂട്ടറിലിടിച്ച ശേഷം മതിലിലിടിച്ച് തലകീഴായി മറിഞ്ഞതിനുശേഷമാണ് നിന്നത്. കാര് യാത്രക്കാരായ ദമ്പതിമാര്ക്ക് നിസ്സാരപരിക്കുണ്ട്.
