ചാലക്കുടി: ദേശീയ പാതയില് അടിപ്പാത നിര്മ്മാണം നടക്കുന്ന നഗരസഭ ജങ്ഷനില് വീണ്ടും അപകടം. രണ്ട് ലോറികള്ക്കിടയില് കാര് ഞെരിഞ്ഞമര്ന്നു. യാത്രക്കാര് ചെറിയ പരിക്കുകളോടെ അത്ഭുതകരമായി രക്ഷപ്പെട്ടു. ശനിയാഴ്ച രാവിലെ 11.30ഓടെയാണ് അപകടം. മാരുതി കാര് ടോറസ് ലോറിക്കും മറ്റൊരു വലിയ ലോറിക്കുമിടയില് പെടുകയായിരുന്നു. സ്ഥലത്തെത്തിയ പോലീസും നാട്ടുകാരും അഗ്നിരക്ഷാ സേനയും ചേര്ന്ന് രക്ഷാപ്രവര്ത്തനം നടത്തി. അപകടത്തെ തുടര്ന്ന് ഗതാഗതം സ്തംഭിച്ചു. അഗ്നി രക്ഷാസേന ചില്ലുകളും ഓയിലും പൊട്ടി റോഡില് വീണത് ശുദ്ധീകരിച്ചു. അടിപ്പാത നിര്മാണം മുടങ്ങി കിടക്കുന്ന നഗരസഭ ജങ്ഷന് അശാസ്ത്രീയ ഗതാഗതം മൂലം കാലങ്ങളായി അപകട കേന്ദ്രമായി തുടരുകയാണ്.
