വണ്ടിപ്പെരിയാറില്‍ അയ്യപ്പഭക്തര്‍ സഞ്ചരിച്ച കാര്‍ അപകടത്തില്‍പ്പെട്ടു : ആറു പേര്‍ക്ക് പരിക്ക്

വണ്ടിപ്പെരിയാര്‍ : 57-ാം മൈലിനു സമീപം അയ്യപ്പഭക്തരുടെ കാറും ടൂറിസ്റ്റുകളുമായി വന്ന കാറും തമ്മില്‍ കൂട്ടിയിടിച്ചുണ്ടായ അപകടത്തില്‍ ആറ് പേര്‍ക്ക് പരിക്കേറ്റു. അപകടത്തില്‍ നാല് അയ്യപ്പഭക്തര്‍ക്കും രണ്ട് വിനോദസഞ്ചാരികള്‍ക്കും ആണ് പരിക്കേറ്റത്. ശബരിമല ദര്‍ശനം കഴിഞ്ഞ് മടങ്ങുകയായിരുന്ന അയ്യപ്പഭക്തര്‍ സഞ്ചരിച്ചിരുന്ന കാറും കുമളിയില്‍ നിന്നു മടങ്ങുകയായിരുന്ന വിനോദസഞ്ചാരികളുടെ കാറും തമ്മിലാണ് കൂട്ടിയിടിച്ചത്. പരിക്കേറ്റവര്‍ പീരുമേട് താലൂക്ക് ആശുപത്രിയില്‍ ചികിത്സയിലാണ്. ഇരു കാറുകളുടെയും മുന്‍ഭാഗങ്ങള്‍ ഭാഗികമായി തകര്‍ന്നിട്ടുണ്ട്. അതേസമയം ഇന്നലെ വെളുപ്പിന് 62 -ാം മൈലിനു സമീപം അയ്യപ്പഭക്തര്‍ സഞ്ചരിച്ചിരുന്ന വാഹനം വ്യാപരാസ്ഥാപനത്തിലേക്ക് ഇടിച്ചുകയറിയും അപകടമുണ്ടായി.