പാലക്കാട്: പാലക്കാട് – കോഴിക്കോട് ദേശീയപാതയില് കല്ലടിക്കോട് തുപ്പനാട് വാഹനാപകടം. കെഎസ്ആര്ടിസി ബസുകള് തമ്മില് കൂട്ടിയിടിച്ചു. 15 ഓളം യാത്രക്കാര്ക്ക് പരുക്കേറ്റു. റോഡിലെ കുഴിയാണ് അപകടത്തിന് കാരണമെന്ന് നാട്ടുകാര് ആരോപിച്ചു. പാലക്കാട് നിന്നും കോഴിക്കോട് ഭാഗത്തേക്ക് പോവുകയായിരുന്ന ബസ്സും പെരിന്തല്മണ്ണയില് നിന്ന് പാലക്കാട്ടേക്ക് വരികയായിരുന്ന ബസ്സുമാണ് കൂട്ടിയിടിച്ചത്.
പതിനഞ്ചോളം യാത്രക്കാര്ക്ക് പരുക്കേറ്റു. പരിക്കേറ്റവരെ തച്ചമ്പാറയിലെ സ്വകാര്യ ആശുപത്രിയില് പ്രവേശിപ്പിച്ചു. റോഡിലെ കുഴികളാണ് അപകടത്തിന് കാരണമെന്ന് നാട്ടുകാര് ആരോപിച്ചു. നിരവധി തവണ പരാതിപ്പെട്ടിട്ടും കരാറുകാര് കുഴികള് അടച്ചില്ലെന്നും നാട്ടുകാര് കുറ്റപ്പെടുത്തി. കഴിഞ്ഞദിവസം തച്ചമ്പാറയിലും റോഡിലെ കുഴികള് മൂലം വാഹനാപകടം ഉണ്ടായി രണ്ടുപേര് മരിച്ചിരുന്നു.
