വയനാട്: കോഴിക്കോട് – കൊല്ലഗല് ദേശീയപാതയില് നിര്ത്തിയിട്ട ടോറസ് ലോറിക്ക് പിന്നില് കാറിടിച്ച് നാലു വയസുകാരി മരിച്ചു. മലപ്പുറം അരീക്കോട് കമലാലയം റെജി – ശ്രുതി ദമ്പതികളുടെ മകള് അനിഖ (നാല്) ആണ് മരിച്ചത്. നിര്ത്തിയിട്ട ടോറസ് ലോറിക്ക് പിന്നില് ഇവര് സഞ്ചരിച്ച കാറിടിക്കുകയായിരുന്നു. ഗുരുതരമായി പരിക്കേറ്റ അനിഖയെ കോഴിക്കോട് ആശുപത്രിയിലേക്ക് കൊണ്ടുപോകും വഴി തന്നെ മരണം സംഭവിച്ചു. അപകടത്തില് റെജിക്കും ശ്രുതിക്കും പരിക്കേറ്റിട്ടുണ്ട്. ഇരുവരും കോഴിക്കോടുള്ള സ്വകാര്യ ആശുപത്രിയില് ചികിത്സയിലാണ്.
