ജിദ്ദ : മക്ക – റിയാദ് പാതയില് അല്ഖസറ പ്രദേശത്ത് ശനിയാഴ്ച ഉച്ചയോടെ ഉണ്ടായ റോഡപകടത്തില് പെട്ട ആറംഗ മലയാളി കുടുംബത്തിലെ ആറ് മാസം പ്രായമുള്ള കുഞ്ഞ് ആശുപത്രിയില് വെച്ച് മരണപ്പെട്ടു. തിരുവനന്തപുരം, വര്ക്കല സ്വദേശി ഹസീം – ജരിയ ദമ്പതികളുടെ മകള് അര്വ ആണ് സംഭവം നടന്ന സ്ഥലത്തുള്ള ജനറല് ആശുപത്രിയിലെ തീവ്രപരിചരണ വിഭാഗത്തില് വെച്ച് മരിച്ചത്.
ഉംറ നിര്വഹിച്ച ശേഷം താമസ സ്ഥലമായ അല്ഖോബാറിലേക്ക് മടങ്ങവേ അല്ഖസറയില് വെച്ച് ഇവര് സഞ്ചരിച്ച് മറിയുകയായിരുന്നു. മരിച്ച അര്വയുടെ മാതാപിതാക്കള്, സഹോദരങ്ങളായ അയാന്, അഫ്നാന്, പിതൃമാതാവ് നജ്മുന്നിസ എന്നിവരായിരുന്നു സംഘത്തില് ഉണ്ടായിരുന്നത്. ഇതില് മറ്റു മക്കളുടെ പരിക്കുകള് നിസ്സാരമാണ്. നജ്മുന്നിസയെ വിദഗ്ധ ചികിത്സയ്ക്കായി അല് ഖുവയ ജനറല് ആശുപത്രിയിലേക്ക് മാറ്റിയിട്ടുമുണ്ട്. റിയാദ് കെ എം സി സി വെല്ഫയര് വിങ് പ്രവര്ത്തകര് സംഭവസ്ഥലത്ത് കുതിച്ചെത്തി അപകടത്തില് പെട്ടവര്ക്ക് ആശ്വാസവും സഹായവയും നല്കി.
