കോഴഞ്ചേരി : അജ്ഞാത വാഹനം ഇടിച്ച് ഇരുചക്ര വാഹനയാത്രികന് മരിച്ചു. നാരങ്ങാനം ചെല്ലാട്ടുമലയിൽ സി ബിനോയ് (45) ആണ് മാരാമണ്ണിൽ വെച്ച് അഞ്ജാത വാഹനം ഇടിച്ചു മരിച്ചത്. മത്സ്യ കച്ചവടം നടത്തുന്ന ബിനോയ് കച്ചവടത്തിനായുള്ള മത്സ്യം വാങ്ങാൻ വീട്ടിൽ നിന്ന് ഇന്നു പുലർച്ചെ പായിപ്പാട്ടേക്ക് ബൈക്കിൽ പോകും വഴിയാണ് മരാമണ്ണിൽവെച്ച് അപകടം ഉണ്ടായത്.
അപകടത്തിൽപ്പെട്ട് റോഡിൽ കിടന്ന ബിനോയിയെ കോയിപ്പുറം പോലീസ് അറിയിച്ചതനുസരിച്ച് നൂറ്റിയെട്ട് ആംബുലൻസ് എത്തിയാണ് കോഴഞ്ചേരി ജില്ലാ ആശുപത്രിയിൽ എത്തിച്ചത്. എന്നാൽ നില വഷളായതിനാൽ ഉടൻതന്നെ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ആശുപത്രിയിൽ എത്തി അരമണിക്കൂറിന് ശേഷം മരണം സംഭവിച്ചു.
