റാന്നി: ഇട്ടിയപ്പാറയില് വണ്വെ തെറ്റിച്ചു വന്ന പിക്കപ്പ് വാന് ഓട്ടോറിക്ഷയുമായി കൂട്ടിയിടിച്ചു. സംഭവത്തില് ഓട്ടോ ഡ്രൈവര് ബാബുവിന് പരിക്കേറ്റു. അപ്രതീക്ഷിത ഇടിയില് പിന്നാലെ എത്തിയ ഇരുചക്രവാഹനവും അപകടത്തില് പെട്ടു. ഇട്ടിയപ്പാറ പോസ്റ്റോഫീസ് ജംങ്ഷനിലാണ് സംഭവം. കാവുങ്കല് പടിയില് നിന്നും ബൈപ്പാസ് റോഡിലേക്കു തിരിയാതെ വണ്വെ തെറ്റിച്ചു ഇട്ടിയപ്പാറ ജംങ്ഷനിലേക്ക് വാഹനങ്ങള് പ്രവേശിക്കുന്നത് നിത്യ സംഭവമാണ്. വണ്വെ തെറ്റിച്ചെത്തുന്ന വാഹനങ്ങള് പോലീസ് പരിശോധന കര്ശനമല്ലാത്തതിനാല് രക്ഷപെടാറാണ് പതിവ്. വണ്വെ കാര്യക്ഷമാക്കുമെന്ന് അധികൃതര് ഇടക്കിടെ പറയുന്നുണ്ടെങ്കിലും അപകടങ്ങള് വര്ദ്ധിക്കുകയാണ്.
