കോട്ടയം: മണിമലയില് സഹോദരങ്ങളുടെ മരണത്തിനിടയാക്കിയ അപകടത്തിനിടയാക്കിയ ജോസ് കെ മാണിയുടെ മകന് ഓടിച്ച വാഹനം അമിത വേഗത്തിലായിരുന്നെന്ന് ദൃക്സാക്ഷി. ബ്രേക്ക് ചെയ്തപ്പോള് വണ്ടി മൂന്ന് തവണ വട്ടം കറങ്ങിയെന്ന് ദൃക്സാക്ഷി ജോമോന് പറയുന്നു. വണ്ടി പാളി പോയെന്ന് ജോസ് കെ മാണിയുടെ മകന് തന്നെ പറഞ്ഞിരുന്നതായി അദ്ദേഹം പറഞ്ഞു. മണിമല സ്വദേശികളായ ജിന്സ് ജോണ്, ജിന്സിന്റെ സഹോദരന് ജിസ് എന്നിവരാണ് മരിച്ചത്. ഇന്നോവ കാര് സ്കൂട്ടറുമായി കൂട്ടിയിടിച്ചാണ് അപകടം ഉണ്ടായത്. ശനിയാഴ്ച വൈകീട്ടായിരുന്നു അപകടം.
സംഭവത്തില് 19കാരനെ കെ.എം മാണി ജൂനിയറിനെ (കുഞ്ഞുമാണി) അറസ്റ്റ് ചെയ്തിരുന്നു. കരിക്കാട്ടൂരിനും മണിമലയ്ക്കും ഇടയിലാണ് അപകടം നടന്നത്. കെ.എം മാണി ജൂനിയറിനെ അറസ്റ്റ് രേഖപ്പെടുത്തിയതിന് ശേഷം വിട്ടയച്ചിരുന്നു. എതിര് ദിശയില് റാന്നി ഭാഗത്തു നിന്നും മണിമല ഭാഗത്തേക്ക് പോയ KL-07-CC-1717 ഇന്നോവ പെട്ടെന്ന് ബ്രേക്ക് ചെയ്തതിനെ തുടര്ന്ന് എതിര്ദിശയിലേക്ക് കറങ്ങി എത്തിയപ്പോഴാണ് അതിനു പിന്നിലേക്ക് സ്കൂട്ടര് ഇടിച്ചുകയറിയതെന്ന് ദൃശ്യങ്ങള് സൂചിപ്പിക്കുന്നു.