മുംബൈ : മഹാരാഷ്ട്രയിലെ ബുല്ധാന ജില്ലയില് തൊഴിലാളികളുമായി സഞ്ചരിച്ച ട്രക്ക് മറിഞ്ഞ് 12 പേര് മരിച്ചു. സിന്ധ്കേദ്രാജ-മെഹ്കര് പാതയില് ഉച്ചയോടെയാണ് അപകടമുണ്ടായത്. വാഹനത്തില് 16 ജോലിക്കാര് ഉണ്ടായിരുന്നു. നാല് പേരാണ് പരിക്കുകളോടെ രക്ഷപെട്ടത്. റോഡിലുണ്ടായിരുന്ന വലിയ ഗര്ത്തമാണ് അപകടത്തിന് കാരണമായതെന്ന് ബുല്ധാന എസ്പി അരവിന്ദ് ചാവ്രിയ പറഞ്ഞു.
നാഗ്പൂര്-മുംബൈ സമൃദ്ധി എക്സ്പ്രസ്വേ പദ്ധതിയുടെ ജോലിക്കായി പോകുകയായിരുന്നു തൊഴിലാളികള്. പദ്ധതിക്കാവശ്യമായ സ്റ്റീലും ഇവര് സഞ്ചരിച്ചിരുന്ന വണ്ടിയിലുണ്ടായിരുന്നു. തൊഴിലാളികള് എല്ലാവരും ബിഹാര്, ഉത്തര്പ്രദേശ് സ്വദേശികളാണ്
