പാലക്കാട് : ദേശീയ പാതയില് വാഹനാപകടം. ലോറിയ്ക്ക് പിന്നില് കാര് ഇടിച്ച് സ്ത്രീയുള്പ്പെടെ രണ്ട് പേര് മരിച്ചു. തിരുച്ചിറപ്പള്ളി സ്വദേശികളായ തമിഴരശ്ശി, പ്രശാന്ത് എന്നിവരാണ് മരിച്ചത്. പുലര്ച്ചെ അഞ്ച് മണിയോടെയായിരുന്നു സംഭവം. തിരുച്ചിറപ്പള്ളിയില് നിന്നും ഗുരുവായൂരിലേക്ക് പോകുകയായിരുന്ന സംഘം സഞ്ചരിച്ച കാര് ആണ് അപകടത്തില്പ്പെട്ടത്.
സംഭവത്തില് രണ്ട് പേര്ക്ക് ഗുരുതരമായി പരിക്കേറ്റിട്ടുണ്ട്. തിരുച്ചിറപ്പള്ളി സ്വദേശി പ്രസാദ്, ഭാര്യ വിജിത എന്നിവര്ക്കാണ് ഗുരുതരമായി പരിക്കേറ്റത്. ഇവരെ തൃശ്ശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചു. ആറ് പേരാണ് വാഹനത്തില് ഉണ്ടായിരുന്നത്. വാഹനത്തിലുണ്ടായിരുന്ന ഡ്രൈവര്ക്കും രണ്ട് മാസം പ്രായമുള്ള കുഞ്ഞിനും പരിക്കേറ്റിട്ടുണ്ട്.
