കോന്നി : കോന്നി തണ്ണിത്തോട് റോഡിൽ പേരുവാലിയിൽ നിയന്ത്രണം വിട്ട കാർ മരകുറ്റിയിൽ ഇടിച്ചു മറിഞ്ഞു. രാവിലെ പതിനൊന്ന് മണിയോടെ ആണ് അപകടം നടന്നത്. കൊല്ലം സ്വദേശികൾ സഞ്ചരിച്ച കാറാണ് അപകടത്തിൽ പെട്ടത്. ഇവർ തണ്ണിത്തോട് ഭാഗത്തേക്ക് പോകുമ്പോഴായിരുന്നു സംഭവം. അപകടത്തിൽ കാറിന്റെ മുൻഭാഗവും ചില്ലുകളും ടയറുകളും തകർന്നു. സംഭവത്തിൽ ആർക്കും പരുക്കില്ല. തണ്ണിത്തോട് പോലീസ് എത്തി നടപടികൾ സ്വീകരിച്ചു.
