തൃശൂര്: ലോറിയില് നിന്നും നിര്മാണ സാമഗ്രികള് പുറത്തേക്ക് വീണ് ഇതരസംസ്ഥാന തൊഴിലാളിക്ക് ദാരുണാന്ത്യം. തൃശൂര്-ചാലക്കുടി ദേശിയ പാതയില് നിര്മാണ സാമഗ്രികള് കൊണ്ടുപോകുകയായിരുന്ന ലോറിയില് നിന്നും സാധനങ്ങള് വീണ് റോഡരികില് നില്ക്കുകയായിരുന്ന ഇതരസംസ്ഥാന തൊഴിലാളിയാണ് മരണപ്പെട്ടത്. ആന്ധ്ര സ്വദേശി മോഹന് സിംഗാണ് മരിച്ചത്. ഒപ്പമുണ്ടായിരുന്ന മറ്റൊരാള്ക്ക് ഗുരുതരമായി പരുക്കേറ്റു.
ഇന്ന് വൈകുന്നേരം 6 മണിയോടെയാണ് ദേശീയപാതയില് വെച്ച് അപകടമുണ്ടായത്. കളമശേരിയില് നിന്നും ചെന്നൈയിലെ എംആര്എഫിലേക്ക് കൊണ്ട് പോകുകയായിരുന്ന ഭാരമേറിയ മെറ്റല് ഉപകരണങ്ങള് കയറു പൊട്ടി ലോറിയില് നിന്നും താഴേക്ക് വീണാണ് അപകടമുണ്ടായത്. റോഡരികില് പെയിന്റ് ചെയ്യുകയായിരുന്ന ആഗ്രാ സ്വദേശികളായ മോഹന് സിംഗ്,രാജേഷ് എന്നിവരുടെ ദേഹത്തേക്കാണ് ഇത് വീണത്.
