തിരുവനന്തപുരം : വരാനിരിക്കുന്ന തിരഞ്ഞെടുപ്പ് ഫലത്തിൽ ഇടതുപക്ഷ ജനാധിപത്യ മുന്നണി ചെറിയ ഭൂരിപക്ഷത്തോടെ വീണ്ടും അധികാരത്തിൽ വരുമെന്ന് വെള്ളാപ്പള്ളി നടേശൻ. പാവപ്പെട്ടവർക്കായി സർക്കാർ നടപ്പിലാക്കിയ ക്ഷേമപദ്ധതികൾ പ്രത്യേകിച്ച് 60 ലക്ഷത്തോളം പേർക്ക് നൽകുന്ന ക്ഷേമ പെൻഷൻ തുടങ്ങിയവ എൽഡിഎഫിന് അനുകൂലമായ പ്രതിഫലനം ഉണ്ടാക്കുമെന്നാണ് കണക്കുകൂട്ടൽ എന്നും അദ്ദേഹം പറഞ്ഞു. മുഖ്യമന്ത്രി പിണറായി വിജയൻ കാര്യങ്ങൾ പഠിച്ച ശേഷമാണ് ഇടതുപക്ഷം അധികാരത്തിൽ വരുമെന്ന് ആത്മവിശ്വാസത്തോടെ പറയുന്നതെന്നും അദ്ദേഹം പറഞ്ഞു.
യു ഡി എഫ് അധികാരത്തിൽ വന്നാൽ മുന്നണിയിൽ വലിയ കലഹങ്ങൾക്കും “അടിപിടി”ക്കും സാധ്യതയുണ്ടെന്ന് ഠേഅഹം വിമർശിച്ചു. മുഖ്യമന്ത്രി സ്ഥാനത്തിനായി വി.ഡി. സതീശൻ, രമേശ് ചെന്നിത്തല, കെ.സി. വേണുഗോപാൽ എന്നിവർ തമ്മിൽ വലിയ മത്സരമാണ് നടക്കുന്നത്. വി.ഡി. സതീശനെ മുഖ്യമന്ത്രിയാക്കണമെന്ന് ആവശ്യപ്പെട്ട് സംസ്ഥാനത്തിന്റെ വിവിധ ഭാഗങ്ങളിൽ ഫ്ലക്സ് ബോർഡുകൾ പ്രത്യക്ഷപ്പെട്ടതും ഈ അധികാരത്തർക്കത്തിന്റെ സൂചനയായി വിലയിരുത്തപ്പെടുന്നത് എന്നും അദ്ദേഹം പ്രതികരിച്ചു.
