തൃശൂര്: നടി പാര്വ്വതി നമ്പ്യാര് വിവാഹിതയായി. ഞായറാഴ്ച രാവിലെ ഗുരുവായൂര് ക്ഷേത്രത്തില് വെച്ചായിരുന്നു വിവാഹ ചടങ്ങുകള് നടന്നത്. വിനീത് മേനോന് ആണ് വരന്. അടുത്ത ബന്ധുക്കളും സുഹൃത്തുക്കളും ചടങ്ങില് പങ്കെടുത്തിരുന്നു. ദിലീപ് ചിത്രത്തിലൂടെ മലയാള സിനിയിലെത്തിയ നടിയാണ് പാര്വ്വതി. ലാല് ജോസ് സംവിധാനം ചെയ്ത “ഏഴു സുന്ദര രാത്രികള്” എന്ന സിനിമയില പാര്വ്വതിയുടെ ആന് എന്ന കഥാപാത്രം വളരെയധികം ശ്രദ്ധിക്കപ്പെട്ടിരുന്നു.
പിന്നീട് രഞ്ജിത്ത് ചിത്രം “ലീല” കരിയറിലെ മികച്ച ചിത്രങ്ങളില് ഒന്നായി മാറി. പുത്തന് പണം, മധുരരാജ തുടങ്ങി പത്തോളം സിനിമകളില് പാര്വ്വതി വേഷമിട്ടു. ജയറാം നായകനാവുന്ന പട്ടാഭിരാമനാണ് ഒടുവില് അഭിനയിച്ച ചിത്രം. പാര്വ്വതിയുടെ വിവാഹ നിശ്ചയ ചടങ്ങുകള് കഴിഞ്ഞ ഓഗസ്റ്റിലാണ് നടന്നത്. ഇതിന്റെ ദൃശ്യങ്ങള് താരം തന്നെ സോഷ്യല് മീഡിയയില് പങ്കുവച്ചു. “ഇന്ന് എന്റെ ജീവിതത്തിലെ പ്രധാന ദിവസമാണ് എല്ലാവരും എനിക്ക് വേണ്ടി പ്രാര്ത്ഥിക്കണം” എന്നാണ് പാര്വ്വതി ഫേസ്ബുക്കില് കുറിച്ചത്.
