ചെന്നൈ : ചെന്നൈയില് ട്രെയിനിന് മുന്നില് പെണ്കുട്ടിയെ തള്ളിയിട്ട് കൊന്ന കേസിലെ പ്രതി പിടിയില്. ചെന്നൈ തൊരൈപാക്കത്തുവെച്ചാണ് പ്രതി ആദംപാക്കം സ്വദേശി സതീഷ് പോലീസ് പിടിയിലായത്. ചെന്നൈയിലെ സ്വകാര്യ കോളേജിൽ രണ്ടാം വർഷ ബിരുദ വിദ്യാർത്ഥിയായിരുന്നു സത്യ. സത്യയുടെ പുറകെ ഏറെനാളായി പ്രണയാഭ്യർത്ഥനയുമായി സതീഷ് പിന്തുടര്ന്നിരുന്നു. ക്ലാസിന് ശേഷം മടങ്ങുകയായിരുന്ന പെൺകുട്ടിയെ പിന്തുടർന്ന് ഇയാൾ റെയിൽവേ സ്റ്റേഷനിലെത്തി.
പ്രണയാഭ്യർത്ഥന നിരസിച്ചതിനെ തുടർന്നുണ്ടായ വാക്കുതർക്കത്തിനിടെ സത്യയെ ഇയാൾ താംബരത്തുനിന്ന് എഗ്മോറിന് പോവുകയായിരുന്ന ട്രെയിനിന് മുന്നിലേക്ക് തള്ളിയിടുകയായിരുന്നു. ട്രെയിനിന് അടിയില്പ്പെട്ട് സത്യ തൽക്ഷണം മരിച്ചു. അതേസമയം സത്യയുടെ അച്ഛന് മാണിക്യം ആത്മഹത്യ ചെയ്തതെന്ന് സ്ഥിരീകരിച്ചു. വിഷം ഉള്ളില് ചെന്നാണ് മരണമെന്ന് പോസ്റ്റുമോര്ട്ടത്തില് തെളിഞ്ഞു.
