ആറന്മുള : പ്രായപൂർത്തിയാകാത്ത പെൺകുട്ടിയെ പ്രണയം നടിച്ച് വശീകരിച്ച് ബന്ധുവീട്ടിൽ കൊണ്ടുപോയി ലൈംഗികമായി പീഡിപ്പിച്ച പ്രതിയെ ആറന്മുള പോലീസ് അറസ്റ്റ് ചെയ്തു. പത്തനംതിട്ട കുലശേഖരപതി സ്വദേശി ചാഞ്ഞ വാക്കൽ വീട്ടിൽ സന്ദീപ് പി സജി(19)യാണ് ആറന്മുള പോലീസിന്റെ പിടിയിലായത്. 2025 സെപ്റ്റംബർ മുതൽ കുട്ടിയുമായി പ്രണയത്തിലായ പ്രതി കുട്ടിയെ പലസ്ഥലങ്ങളിലായി കൊണ്ടുപോയി പീഡിപ്പിക്കുകയായിരുന്നു.
കുട്ടി പഠിക്കുന്ന സ്ഥാപനത്തിലെ കൗൺസിലിങ്ങിനിടയിലാണ് പീഡനവിവരം അറിയാനിടയായത്. ഇൻസ്പെക്ടർ എസ്. എച്ച് ഒ വി. സജു, സബ് ഇൻസ്പെക്ടർ നിയാസ്, സീനിയർ സിവിൽ പോലീസ് ഓഫീസർ ഉമേഷ് ടി. നായർ, പോലീസ് ഉദ്യോഗസ്ഥരായ ശ്രീജിത്ത് ഉണ്ണികൃഷ്ണൻ എന്നിവർ അടങ്ങിയ സംഘമാണ് പ്രതിയെ അറസ്റ്റ് ചെയ്തത്. പത്തനംതിട്ടയിൽ നിന്നും പിടിയിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
