ജയ്പൂര് : മിന്നലേറ്റ് ആസിഡ് ടാങ്ക് പൊട്ടിത്തെറിച്ച് ഒരാള് മരിച്ചു. ചിത്തോര്ഗഡ് ജില്ലയിലെ ഹിന്ദുസ്ഥാന് സിങ്ക് കമ്പനിയിലാണ് സംഭവം. വെള്ളിയാഴ്ച വൈകീട്ട് ഉണ്ടായ പൊട്ടിത്തെറിയില് ഒമ്പത്പേര്ക്ക് പരിക്കേറ്റു. ഹിന്ദുസ്ഥാന് സിങ്കിന്റെ ഹൈഡ്രോ പ്ലാന്റിന്റെ ടാങ്കില് മിന്നലേറ്റതിനെ തുടര്ന്നുണ്ടായ ആസിഡ് ചോര്ച്ചയില് സംഭവസ്ഥലത്തുണ്ടായിരുന്ന പത്ത് ജീവനക്കാര്ക്കാണ് പരിക്കേറ്റതെന്ന് എ.എസ്.പി കൈലാഷ് സിങ് സന്ധു പറഞ്ഞു. ചികിത്സയ്ക്കിടെയാണ് ഒരാള് മരിച്ചത്. ഗുരുതര പരിക്കേറ്റ ജീവനക്കാരെ ചിറ്റോര്ഗഡിലെ ജില്ലാ ആശുപത്രിയിലേക്കും പിന്നീട് വിദഗ്ധ ചികിത്സക്കായി ഉദയ്പൂരിലേക്കും മാറ്റിയതായി അധികൃതര് അറിയിച്ചു. മരിച്ചയാളെ തിരിച്ചറിയാനുള്ള ശ്രമം തുടരുകയാണ്.
