തിരുവനന്തപുരം: കാട്ടാക്കട ക്രിസ്ത്യന് കോളേജിലെ ആള്മാറാട്ട സംഭവത്തില് പ്രിന്സിപ്പല് ഇന്ചാര്ജ് ജി.ജെ.ഷൈജുവിനെ സസ്പെന്ഡ് ചെയ്തതിന് പിന്നാലെ എസ്എഫ്ഐ നേതാവ് എ വിശാഖിനെയും സസ്പെന്ഡ് ചെയ്തു. പുതിയ പ്രിന്സിപ്പല് ഡോ.എന് കെ നിഷാദാണ് നടപടി സ്വീകരിച്ചത്. കേരള സര്വകലാശാലയുടെ നിര്ദ്ദേശ പ്രകാരം കോളജ് മാനേജ്മെന്റിന്റേതാണ് നടപടി. ഷൈജുവിനെതിരെ ഉചിതമായ ശിക്ഷണ നടപടി സ്വീകരിച്ചില്ലെങ്കില്കോളജിന്റെ അഫലിയേഷന് റദ്ദാക്കുമെന്ന് സര്വകലാശാല മുന്നറിയിപ്പ് നല്കിയിരുന്നു
സര്വ്വകലാശാല രജിസ്ട്രാറുടെ പരാതിയുടെ അടിസ്ഥാനത്തില് ഷൈജു, വിശാഖ് എന്നിവര്ക്കെതിരെ പോലീസ് ക്രിമിനല് കേസെടുത്തിരുന്നു. ഷൈജുവിനെ ഒന്നാം പ്രതിയാക്കിയും വിശാഖിനെ രണ്ടാം പ്രതിയാക്കിയുമാണ് പോലീസ് കേസെടുത്തിരിക്കുന്നത്.. ആള്മാറാട്ടം, വ്യാജരേഖ ചമക്കല് തുടങ്ങിയ കുറ്റത്തിനാണ് കേരള സര്വ്വകലാശാല നല്കിയ പരാതിയിലെ കേസ്.
