മലപ്പുറം : മലപ്പുറം ജില്ലയിലെ വിദ്യാഭ്യാസ സ്ഥാപനങ്ങൾക്ക് സമ്പൂർണ അവധി പ്രഖ്യാപിച്ചതായുള്ള പ്രചാരണം വ്യാജം. ജില്ലാ കളക്ടർ വി ആർ പ്രേംകുമാർ ആണ് ഇക്കാര്യം അറിയിച്ചത്. ഭരണകൂടത്തിന്റെ എഫ് ബി പേജിന്റെ രൂപത്തിൽ ആണ് വ്യാജ വാര്ത്ത പ്രചരിക്കുന്നത്. വ്യാജ വാർത്ത പ്രചരിപ്പിക്കുന്നവർക്കെതിരെ നടപടി സ്വീകരിക്കുമെന്ന് ജില്ലാ കളക്ടർ അറിയിച്ചു. മഴ ശക്തമായതിനാൽ മണ്ണിടിച്ചിൽ ഭീഷണിയുളള ജില്ലയിൽ നിലമ്പൂർ, ഏറനാട് താലൂക്കുകളിലെ വിദ്യാഭ്യാസ സ്ഥാപനങ്ങൾക്ക് മാത്രമാണ് അവധി പ്രഖ്യാപിച്ചിട്ടുള്ളതെന്നും കളക്ടർ വി ആർ പ്രേംകുമാർ വ്യക്തമാക്കി.
