കൊച്ചി : ദിലീപ് പ്രതിയായ നടിയെ ആക്രമിച്ച കേസില് സാക്ഷി വിസ്താരത്തിനായി സംവിധായകന് നാദിര്ഷ ഇന്ന് കൊച്ചിയിലെ പ്രത്യേക സിബിഐ കോടതിയില് ഹാജരാകും. മുന്നൂറിലധികം സാക്ഷികളുള്ള കേസില് കാവ്യ മാധവന് ഉള്പ്പടെ 180 സാക്ഷികളുടെ വിസ്താരം ഇപ്പോള് പൂര്ത്തിയായി. 2017 ഫെബ്രുവരിയിലായിരുന്നു കൊച്ചിയില് നടി ആക്രമണത്തിനിരയാകുന്നത്. ഇതില് എട്ടാം പ്രതിയാണ് നടന് ദിലീപ്.
കേസിന്റെ വിചാരണ പൂര്ത്തിയാക്കാന് ആറു മാസം കൂടി സുപ്രിം കോടതി അനുവദിച്ചിരുന്നു. മൂന്നാം തവണയാണ് കേസിന്റെ വിചാരണക്ക് സമയം നീട്ടി നല്കിയത്. വിചാരണ പൂര്ത്തിയാക്കാന് കൂടുതല് സമയം ആവശ്യപ്പെട്ട് പ്രത്യേക കോടതി ജഡ്ജിയാണ് സുപ്രീംകോടതിക്ക് കത്ത് നല്കിയത്.
