റാന്നി : വെച്ചൂച്ചിറ നവോദയ വിദ്യാലയത്തിലെ 2026-27 അധ്യയന വർഷത്തെ ഒഴിവുള്ള സീറ്റുകളിലേക്ക് പ്രവേശനം പ്രഖ്യാപിച്ചുകൊണ്ട് നവോദയ വിദ്യാലയ സമിതിയുടെ വിജ്ഞാപനം പുറത്തിറക്കി. 9, 11 ക്ലാസുകളിലേക്കുള്ള പ്രവേശനം പ്രത്യേക യോഗ്യതാ മാനദണ്ഡങ്ങളുടെയും പ്രവേശന പരീക്ഷകളുടെയും അടിസ്ഥാനത്തിലായിരിക്കും. അപേക്ഷ സമർപ്പിക്കേണ്ട അവസാന തീയതി 2025 സെപ്തംബര് 23 ആയിരിക്കും. പ്രവേശന പരീക്ഷ 2026 ഫെബ്രുവരി 07ന് നടക്കും.
യോഗ്യതാ മാനദണ്ഡം 9 ക്ലാസിന് – 2025-26 അധ്യയന വർഷത്തിൽ സർക്കാർ അംഗീകൃത സ്കൂളിൽ 8-ാം ക്ലാസിൽ പഠിക്കുന്നവരായിരിക്കണം. രണ്ട് തീയതികളും ഉൾപ്പെടെ 01.05.2011 നും 31.07.2013 നും ഇടയിൽ ജനിച്ചവരായിരിക്കണം. ഈ പ്രായപരിധി എസ്സി/എസ്ടി/ഒബിസി ഉൾപ്പെടെ എല്ലാ വിഭാഗങ്ങൾക്കും ബാധകമാണ്.
—
11-ാം ക്ലാസ്സിന് – 2025-26 അധ്യയന വർഷത്തിൽ സർക്കാർ അംഗീകൃത സ്കൂളിൽ 10-ാം ക്ലാസ്സിൽ പഠിക്കുന്നവരായിരിക്കണം. 01.01.2009 നും 31.07.2011 നും ഇടയിൽ ജനിച്ചവരായിരിക്കണം (രണ്ട് തീയതികളും ഉൾപ്പെടെ).
—
അപേക്ഷിക്കേണ്ട വിധം:- നോട്ടീസിൽ നൽകിയിരിക്കുന്ന രജിസ്ട്രേഷൻ ലിങ്കുകൾ
9-ാം ക്ലാസ്സിന്: https://cbseitms.nic.in/2025/nvsix_9
11-ാം ക്ലാസ്സിന്: https://cbseitms.nic.in/2025/nvsxi_11
