അടൂര് : സാമൂഹ്യ സേവന രംഗത്തും ആതുര മേഖലയിലും മാത്രം വൈസ്മെൻ പോലുള്ള അന്താരാഷ്ട്ര പ്രസ്ഥാനങ്ങൾ ശ്രദ്ധ കേന്ദ്രീകരിച്ചാല് പോരെന്നും ജെൻസി തലമുറയെക്കൂടി ക്ലബ്ബിലേക്ക് ആകർഷിക്കുവാനുള്ള സത്വര നടപടികള് സ്വീകരിക്കണമെന്നും വൈസ്മെൻ ഡിസ്ട്രിക്റ്റ് ഗവർണർ ജേക്കബ് വൈദ്യൻ പറഞ്ഞു. വാർഷിക സന്ദർശനത്തോടനുബന്ധിച്ച് അടൂർ സെന്ട്രല് വൈസ്മെൻ ക്ലബ്ബില് നടന്ന യോഗത്തിൽ സംസാരിക്കുകയായിരുന്നു അദ്ദേഹം. ക്ലബ് പ്രസിഡന്റ് ജിനു കോശി അധ്യക്ഷത വഹിച്ചു. അഡ്വ.എബി തോമസ് മുഖ്യ സന്ദേശം നൽകി.
തദ്ദേശ സ്വയംഭരണ തെരഞ്ഞെടുപ്പില് ക്ലബ് പരിധിയില് വിജയിച്ച നെസ്മൽ കാവിളായെയും അഡ്വ.ബിജു വർഗീസിനെയും യോഗത്തില് ആദരിച്ചു. ക്ലബ് പരിസരത്ത് ഹൈമാസ്റ്റ് ലൈറ്റും റോഡിന്റെ നവീകരണവും ആവശ്യപ്പെട്ടുകൊണ്ടുള്ള നിവേദനം ക്ലബ് ട്രഷറർ സാജൻ ജോർജ്ജ് അഡ്വ.ബിജു വർഗീസിന് നല്കി. ഡിസ്ട്രിക്റ്റ് സെക്രട്ടറി നിഷ എബി റിപ്പോർട്ട് അവതരിപ്പിച്ചു. മത്സര വിജയികൾക്കുള്ള സമ്മാനദാനം പ്രസിഡന്റ് പ്രൊഫ. ജോൺ.എം.ജോർജ്ജ് നിർവഹിച്ചു. മാത്യു മാതിരംപള്ളി, രാജൻ അനശ്വര, ബാബു ജോർജ്ജ് എന്നിവര് ആതുര സഹായ പദ്ധതിയുടെ ആദ്യ ഗഡു വിതരണം ചെയ്തു. സെക്രട്ടറി ഡോക്ടർ ജോൺ മാത്യു, മിനി ജേക്കബ്, സിജോ ജോൺ, ജെയ്സൺ ജോണി, സജു ജോർജ്, സാം തോമസ്, സോഫിയ സാം, ഷൈനി റജി തുടങ്ങിയവർ പ്രസംഗിച്ചു.
