അടൂര് : ജില്ലയില് വിവിധ പ്രദേശങ്ങളില് കഴിഞ്ഞ ദിവസം ഉണ്ടായ കനത്ത മഴയിലും കൊടുങ്കാറ്റിലും വീടുകള് തകര്ന്ന കുടുംബങ്ങള്ക്ക് അടിയന്തര സഹായം നല്കണമെന്ന് ചിറ്റയം ഗോപകുമാര് എം.എല്.എ ആവശ്യപ്പെട്ടു. കൊടുമണ് ഉടയന്കാവില് കാറ്റിലും മഴയിലും തകര്ന്ന വീടുകളും കൃഷിയിടങ്ങളും സന്ദര്ശിച്ചശേഷം സംസാരിക്കുകയായിരുന്നു അദ്ദേഹം.
റബര് അടക്കമുള്ള കാര്ഷിക വിളകള്ക്കു നാശം സംഭവിച്ചിട്ടുണ്ട്. ശക്തമായ മഴയിലും കാറ്റിലും നിരവധി ഇലക്ട്രിക് പോസ്റ്റുകളും തകര്ന്നിട്ടുണ്ട്. എത്രയുംവേഗം അവയുടെ തകരാറുകള് പരിഹരിച്ച് വൈദ്യുതി പുന:സ്ഥാപിക്കണമെന്നും എം.എല്.എ ആവശ്യപ്പെട്ടു. കൊടുമണ് ഗ്രാമപഞ്ചായത്ത് വികസന കാര്യ സ്റ്റാന്ഡിംഗ് കമ്മിറ്റി ചെയര്മാന് ഐക്കാട് ഉദയകുമാര്, സൗമ്യ എന്നിവര് സന്നിഹിതരായിരുന്നു.
The post കാറ്റിലും മഴയിലും വീടുകള് തകര്ന്ന കുടുംബങ്ങള്ക്ക് അടിയന്തര സഹായം നല്കണം : ചിറ്റയം ഗോപകുമാര് എം.എല്.എ appeared first on Pathanamthitta Media.
