കോന്നി : കോന്നി നിയോജക മണ്ഡലത്തിലെ രണ്ടു ഉന്നതികൾക്ക് ഒരു കോടി രൂപ വീതം അനുവദിച്ചതായി അഡ്വ. കെ യു ജനീഷ് കുമാർ എം എൽ എ അറിയിച്ചു. മലയാലപ്പുഴ പഞ്ചായത്തിലെ വാഴവിള ഗാന്ധി സ്മാരക പട്ടിക ജാതി ഉന്നതിയും ചിറ്റാർ പഞ്ചായത്തിലെ കൊടുമുടി പട്ടിക വർഗ്ഗ ഉന്നതിക്കുമാണ് അംബേദ്കർ ഗ്രാമ വികസന പദ്ധതിയിൽ ഉൾപ്പെടുത്തി ഒരു കോടി രൂപ വീതം വികസന പ്രവർത്തികൾക്ക് അനുവദിച്ചത്. വകുപ്പ് മന്ത്രി ഓ. ആർ. കേളുവിന് എം എൽ എ നേരിട്ട് നൽകിയ നിവേദനത്തെ തുടർന്നാണ് പ്രവർത്തികൾക്ക് തുക അനുവദിച്ചത്.
ഉന്നതികളിലെ അടിസ്ഥാന സൗകര്യങ്ങൾ വികസിപ്പിക്കുക, വീടുകളുടെ പുനരുദ്ധാരണം, റോഡുകളുടെ നവീകരണം, സംരക്ഷണഭിത്തി നിർമ്മാണം തുടങ്ങിയ വിവിധ വികസന പ്രവർത്തികളാണ് പ്രവർത്തിയുടെ ഭാഗമായി നടപ്പിലാക്കുന്നത്. ബന്ധപ്പെട്ട ഉദ്യോഗസ്ഥരുടെ യോഗം വിളിച്ചു പ്രവർത്തി വേഗത്തിൽ നടപ്പാക്കുന്നതിന് ആവശ്യമായ നിർദ്ദേശം നൽകുമെന്ന് അഡ്വ. കെ യു ജനീഷ് കുമാർ എം എൽ എ അറിയിച്ചു.
