തിരുവല്ല : പുളിക്കീഴ് ബ്ലോക്ക് പഞ്ചായത്ത് തലത്തില് നടന്ന മഴക്കാലപൂർവ്വ ശുചീകരണ പ്രവർത്തനങ്ങളുടെയും ഡെങ്കിപ്പനി ദിനാചരണത്തിന്റെയും ഉദ്ഘാടനം തിരുവല്ല എം.എൽ.എ. അഡ്വ.വർഗീസ് മാമ്മൻ നിർവഹിച്ചു. പെരിങ്ങര ഗ്രാമപഞ്ചായത്തിന്റെ സഹകരണത്തോടെയായിരുന്നു പരിപാടി. സംസ്ഥാന സർക്കാരിന്റെ സാമ്പത്തിക പ്രയാസങ്ങൾ ആരോഗ്യ ശുചീകരണ പ്രവർത്തനങ്ങളെ ഒരുതരത്തിലും ബാധിക്കില്ലെന്നും എല്ലാ വകുപ്പുകളും ഒന്നിച്ചുനിന്നുകൊണ്ട് ശുചീകരണ പ്രവര്ത്തനങ്ങള്ക്കും ഉറവിട മാലിന്യ നിർമ്മാർജനത്തിനും നേതൃത്വം നൽകണമെന്നും എം.എല്.എ പറഞ്ഞു. ചാത്തങ്കരി സാമൂഹികാരോഗ്യ കേന്ദ്രത്തിന്റെ അടിയന്തിരാവശ്യങ്ങൾക്ക് മുന്തിയ പരിഗണന നൽകുമെന്നും എം.എൽ.എ ഉറപ്പു നൽകി.
യോഗത്തിൽ ബ്ലോക്ക് പഞ്ചായത്ത് പ്രസിഡന്റ് ഈപ്പൻ കുര്യൻ അദ്ധ്യക്ഷത വഹിച്ചു. ജില്ലാ പഞ്ചായത്തംഗം സാം ഈപ്പൻ മുഖ്യപ്രഭാഷണം നടത്തി. ഗ്രാമപഞ്ചായത്ത് പ്രസിഡന്റ് ഹരിദാസി ശശി, ബ്ലോക്ക് പഞ്ചായത്ത് സ്ഥിരം സമിതി അദ്ധ്യക്ഷൻമാരായ അഡ്വ.രാജേഷ് ചാത്തങ്കരി, നിഷ അശോകൻ, ജോ ഇലഞ്ഞിമൂട്ടിൽ, ഗ്രാമ പഞ്ചായത്ത് വൈസ് പ്രസിഡന്റ് ആനി എബ്രഹാം, ബ്ലോക്ക് പഞ്ചായത്തംഗങ്ങളായ സോമന് താമരച്ചാലിൽ, റേയ്ച്ചല് വർഗീസ്, തോമസ് വർഗീസ്, ഗ്രാമപഞ്ചായത്തംഗങ്ങളായ അരുൺകുമാർ, ദേവരാജൻ, അനീഷ് ചന്ദ്രൻ, അനു സി.കെ, വിപിൻകുമാർ, ഏലിയാമ്മ, ലീന ബിന്ദു, സാബു ഐസക്, സന്ധ്യ, ഡോ.ശാലിനി എസ്, ഹെൽത്ത് സൂപ്പർവൈസർ ജെ.എസ്. ബിനു ജോയ് എന്നിവർ സംസാരിച്ചു.
