കോന്നി : ചള്ളംവേലിപടി- പ്രമാടം ക്ഷേത്രം- ഇരപ്പുകുഴി റോഡിന്റെ നിർമ്മാണ പുരോഗതി അഡ്വ. കെ യു ജനീഷ് കുമാർ എം എൽ എ സന്ദർശിച്ചു വിലയിരുത്തി.
വള്ളിക്കോട്, പ്രമാടം പഞ്ചായത്തുകളിലൂടെ 4.65 കിലോമീറ്റര് ദൂരത്തില് കടന്നു പോകുന്ന ചള്ളംവേലിപടി- പ്രമാടം ക്ഷേത്രം- ഇരപ്പുകുഴി റോഡ്
നിലവിലുള്ള മൂന്നര മീറ്റർ വീതി വർദ്ധിപ്പിച്ച് 5.5 മീറ്റര് വീതിയില് ആധുനിക നിലവാരത്തിൽ ബിഎം ബിസി സാങ്കേതിക വിദ്യയിലാണ് നിര്മിക്കുന്നത്.
നിലവിൽ കലുങ്കുകളുടെ നിർമ്മാണവും റോഡിന്റെ വീതി വർധിപ്പിച്ച് സംരക്ഷണഭിത്തിയുടെ നിർമ്മാണവുമാണ് പുരോഗമിക്കുന്നത്.
ആവശ്യമായ ഇടങ്ങളിൽ കലങ്കുകളും ഐറിഷ് ഓടയും റോഡ് സുരക്ഷാ പ്രവര്ത്തികളും നിര്മാണപ്രവര്ത്തനങ്ങളുടെ ഭാഗമായി ചെയ്യുന്നുണ്ട്. ഏഴു കോടി രൂപ വകയിരുത്തിയാണ് ആധുനിക രീതിയിൽ റോഡിന്റെ നിർമ്മാണം പുരോഗമിക്കുന്നത്. റോഡിന്റെ ഭാഗമായി നിർമ്മാണം പുരോഗമിക്കുന്ന മുണ്ടുതോട് പാലം ഒരു മാസത്തിനകം നിർമ്മാണം പൂർത്തീകരിക്കും. സമയബന്ധിതമായി പ്രവർത്തി പൂർത്തീകരിക്കുവാൻ എംഎൽഎ പൊതുമരാമത് ഉദ്യോഗസ്ഥർക്ക് നിർദ്ദേശം നൽകി. എംഎൽഎ യോടൊപ്പം വള്ളിക്കോട് ഗ്രാമപഞ്ചായത്ത് പ്രസിഡന്റ് ആര് മോഹനന് നായര്, പൊതുമരാമത്ത് അസി എക്സിക്യൂട്ടീവ് എൻജിനീയർ മുരുകേഷ് കുമാർ, അസി. എൻജിനീയർ രൂപക്ക് ജോൺ, കരാർ കമ്പനി പ്രതിനിധികൾ തുടങ്ങിയവര് ഒപ്പമുണ്ടായിരുന്നു.
