25.8 C
Pathanāmthitta
Sunday, October 17, 2021 3:19 pm
Advertisment

അഫ്ഗാനിസ്ഥാനിലെ ഇന്ത്യന്‍ എംബസി ആക്രമിക്കില്ലെന്ന് വ്യക്തമാക്കി താലിബാന്‍

ഡല്‍ഹി : അഫ്ഗാനിസ്ഥാനിലെ ഇന്ത്യന്‍ എംബസി ആക്രമിക്കില്ലെന്ന് വ്യക്തമാക്കി താലിബാന്‍. അഫ്ഗാനില്‍നിന്ന് ഇന്ത്യ എംബസി ഉദ്യോഗസ്ഥരെ ഒഴിപ്പിക്കുന്നതില്‍ താലിബാനു താല്‍പര്യമില്ലെന്നും ഉദ്യോഗസ്ഥരെ ഉപദ്രവിക്കില്ലെന്നും വ്യക്തമാക്കി താലിബാന്‍ സന്ദേശം കൈമാറിയതായി റിപ്പോര്‍ട്ട്. ആദ്യ ഘട്ടത്തില്‍ എംബസിയില്‍ നിന്നും ഇന്ത്യ ഉദ്യോഗസ്ഥരെ ഒഴിപ്പിക്കുന്നതിന് മുന്നോടിയായാണ് താലിബാന്റെ ചീഫ് ഓഫിസില്‍ സന്ദേശം ലഭിച്ചതെന്ന് റിപ്പോര്‍ട്ടുകള്‍ പറയുന്നു.

അതേസമയം ഉദ്യോഗസ്ഥരെ സുരക്ഷിത സ്ഥാനത്തേക്ക് മാറ്റാന്‍ കേന്ദ്രസര്‍ക്കാര്‍ തീരുമാനിച്ചു. അടിയന്തിരമായി 40 പേരെ സ്ഥലത്തുനിന്നും രക്ഷപെടുത്തിയെങ്കിലും അതിന്റെ മൂന്നിരട്ടി എംബസി ജീവനക്കാര്‍ അഫ്ഗാനില്‍ കുടുങ്ങിയിട്ടുണ്ടെന്നാണ് വിവരം. ഇവരെ കൂടാതെ 200 ഓളം സിഖുകാരും ഹിന്ദുക്കളും അഫ്ഗാനില്‍ കുടുങ്ങിക്കിടക്കുകയാണ്. ഇന്ത്യന്‍ എംബസിയില്‍ താലിബാന്റെ നിരീക്ഷണമുള്ളതിനാല്‍ തിടുക്കപ്പെട്ടുള്ള ഒഴിപ്പിക്കലിന് രാജ്യം മുതിരില്ലെന്നും അഫ്ഗാനിലെ സാഹചര്യം സൂക്ഷ്മമായി നിരീക്ഷിക്കുകയാണെന്നും കേന്ദ്രമന്ത്രി ഡോ.എസ് ജയശങ്കര്‍ വിശദമാക്കിയിരുന്നു.

- Advertisment -
Advertisment
Advertisment
- Advertisment -
- Advertisment -

Most Popular