29.4 C
Pathanāmthitta
Monday, January 17, 2022 10:21 am
- Advertisment -

കെ – റെയില്‍ സില്‍വര്‍ലൈന്‍ പദ്ധതിയ്ക്കെതിരെ ശക്തമായ യു.ഡി.എഫ് പ്രക്ഷോഭം ശനിയാഴ്ച്

ചെങ്ങന്നൂര്‍ : അശാസ്ത്രിയവും അപ്രായോഗികവുമായ സില്‍വര്‍ലൈന്‍ പദ്ധതി ഉപേക്ഷിക്കണമെന്ന് ആവിശ്യപ്പെട്ട് യു.ഡി.എഫ് ആലപ്പുഴ ജില്ലാ കമ്മിറ്റിയുടെ നേതൃത്വത്തില്‍ 18 ന് ആലപ്പുഴ കളക്ട്രേറ്റിലേയ്ക്ക് നടത്തുന്ന മാര്‍ച്ചും ധര്‍ണയും വിജയിപ്പിക്കാന്‍ യു ഡി എഫ് ചെങ്ങന്നൂര്‍ നിയോജകമണ്ഡലം നേതൃയോഗം തീരുമാനിച്ചു. പരിസ്ഥിതി ലോല മേഖലയില്‍ കൂടി കടന്നുപോകുന്ന റെയില്‍ പാത നെല്‍വയലുകളും തണ്ണീര്‍തടങ്ങളും നശിപ്പിക്കുകയും കേരളത്തെ രണ്ടായി വിഭജിക്കുകയും നദികളുടെ ഒഴിക്കിനെ തടയുകയും ചെയ്യും. 25000 കുടുംബങ്ങളെ കുടിയൊഴിപ്പിക്കേണ്ടി വരും. കുടിയൊഴിപ്പിക്കുന്നവരെ പുനരധിവസിപ്പിക്കാന്‍ ഒരു കാരണവശാലും സാധ്യമല്ല.

ചെങ്ങന്നൂര്‍ നിയോജകമണ്ഡലത്തിലെ വെണ്മണി, മുളക്കുഴ, പഞ്ചായത്തകളിലൂടെ കടന്നുപോകുന്ന വിധത്തിലാണ് പദ്ധതി വിഭാവന ചെയ്തിരിക്കുന്നത്. പദ്ധതി പ്രദേശങ്ങളില്‍ വര്‍ഷങ്ങളായി താമസിപ്പിക്കുന്നവരെ കുടിയൊഴിപ്പിക്കാന്‍ ശ്രമിച്ചാല്‍ ശക്തമായി പ്രതിരോധിക്കും. ജനദ്രോഹപരമായ പദ്ധതിയില്‍ നിന്നും സര്‍ക്കാര്‍ പിന്‍മാറണം. വന്‍ അഴിമതി മുന്നില്‍ കണ്ടാണ് സര്‍ക്കാര്‍ പദ്ധതിയുമായി മുന്നോട്ടുപോകുന്നതെന്ന് യോഗം ആരോപിച്ചു. യു.ഡി.എഫ് നിയോജകമണ്ഡലം ചെയര്‍മാന്‍ ജൂണി കുതിരവട്ടം അദ്ധ്യക്ഷത വഹിച്ചു. കെപിസിസി സെക്രട്ടറി സുനില്‍ പി ഉമ്മന്‍, അഡ്വ.ഡി.വിജയകുമാര്‍, പി.വി ജോണ്‍, ഹരി പാണ്ടനാട്, അഡ്വ.ഡി.നാഗേഷ് കുമാര്‍, അഡ്വ.ജോര്‍ജ് തോമസ്, രാജന്‍ കണ്ണാട്ട്, ജിജി പുന്തല, റജി ജോണ്‍, റ്റി.കെ ഷാജഹാന്‍, പി.വി ഗോപിനാഥന്‍, ദിലീപ് ചെറിയനാട്, ഹരി കുമാര്‍ ശിവാലയം, സജി കുമാര്‍ എന്നിവര്‍ പ്രസംഗിച്ചു.

- Advertisment -
Advertisment
Advertisment
- Advertisment -
- Advertisment -

Most Popular